Şukuriy farğoniy
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 241-b. — ziyouz.com
Şukuriy farğoniy (taxallusi; asl nomi Abduşukur ibn Ortuqbek) (18-asr oxiri, Farğona — 19-asr 2-yarmi, ?) — şoir. Yoşligida Samarqandga kelib qolgan. Egarsozlik va naqqoşlikda ham nom çiqargan. Öşa davrda Samarqandda qurilgan köpgina binolarda Ş.F. naqşlari mavjud. Amir Nasrullo taklifi bilan Buxoroda ham naqqoşlik qilgan. Ş.F. mumtoz şe'riyatning ğazal, masnaviy, qasida, ta'rix va boşqalar janrlarida ijod etgan. Aksariyat masnaviylari hasbi hol va ijtimoiydidaktik xarakterga ega. Ta'rixlarida davrning muhim voqealari (yirik binolar qurilişi, amirning yurişlari va atoqli kişilarning vafot qilgan vaqti) qayd etilgan. Lirikasida işqiy keçinmalar tasviri, turmuşdan şikoyat motivlari muhim örin tutadi. Şoirning «Farğona çekar», «Judoyi Farğona», «Rozi dilim eşitgil» kabi şe'rlarida tuğilgan yurtiga hurmat, uni soğiniş va qömsaş tuyğulari ifodalangan. Ş.F. devonining qölyozma nusxalari Rossiya FA Şarqşunoslik instituti SanktPeterburg bölimi (inv. №1581) va Özbekiston FA Şarqşunoslik intida (inv. №5021) saqlanadi.
Asl matn (kirill, PDF'dagidek)
ШУКУРИЙ ФАРҒОНИЙ (тахаллуси; асл номи Абдушукур ибн Ортуқбек) (18-аср охири, Фарғона — 19-аср 2-ярми, ?) — шоир. Ёшлигида Самарқандга келиб қолган. Эгарсозлик ва наққошликда ҳам ном чиқарган. Ўша даврда Самарқандда қурилган кўпгина биноларда Ш.Ф. нақшлари мавжуд. Амир Насрулло таклифи билан Бухорода ҳам наққошлик қилган. Ш.Ф. мумтоз шеъриятнинг ғазал, маснавий, қасида, таърих ва бошқалар жанрларида ижод этган. Аксарият маснавийлари ҳасби ҳол ва ижтимоийдидактик характерга эга. Таърихларида даврнинг муҳим воқеалари (йирик бинолар қурилиши, амирнинг юришлари ва атоқли кишиларнинг вафот қилган вақти) қайд этилган. Лирикасида ишқий кечинмалар тасвири, турмушдан шикоят мотивлари муҳим ўрин тутади. Шоирнинг «Фарғона чекар», «Жудойи Фарғона», «Рози дилим эшитгил» каби шеърларида туғилган юртига ҳурмат, уни соғиниш ва қўмсаш туйғулари ифодаланган. Ш.Ф. девонининг қўлёзма нусхалари Россия ФА Шарқшунослик институти СанктПетербург бўлими (инв. №1581) ва Ўзбекистон ФА Шарқшунослик интида (инв. №5021) сақланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.