Sidney
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 339-b. — ziyouz.com
Sidney SIDNEY, Sidni — Avstraliyaning jan.şarqiy qismidagi şahar, Port-Jekson qöltiğining har ikki sohilida. Mamlakatning savdomoliya markazi. Yangi Jan. Uels ştatining ma'muriy markazi. Aholisi 4,04 mln. kişi (1999), aholi soni böyiça mamlakatda 1-örinda. Mamlakatning yirik iqtisodiy markazi, boş porti. Aeroporti xalqaro axamiyatga ega. Transport, elektrotexnika maşinasozligi, radioelektronika, kora va rangli metallurgiya, neftni qayta işlaş, kimyo, töqimaçilik, poligrafiya, oziq-ovqat, qoğoz sanoati korxonalari mavjud. Sanoat korxonalari, asosan, qöltiqdan şim.da va şahar atroflarida, moliyaviy muassasalar esa jan. da joylaşgan. Qöltiqning har ikki sohili ravoqli köprik (uz. 2 km) orqali boğlangan. Metropoliten qurilgan. un-t (1850), konservatoriya, rasadxona, kutubxonalar, Avstraliya, geol., amaliy san'at muzeylari, badiiy galereya, opera va b. teatrlar, hayvonot boği bor. Şaharga 1788 y.da inglizlar tomonidan asos solingan va Angliya içki işlar vaziri nomi b-n Sidni deb atalgan.
Asl matn (kirill, PDF'dagidek)
СИДНЕЙ, Сидни — Австралиянинг жан.шарқий қисмидаги шаҳар, Порт-Жексон қўлтиғининг ҳар икки соҳилида. Мамлакатнинг савдомолия маркази. Янги Жан. Уэльс штатининг маъмурий маркази. Аҳолиси 4,04 млн. киши (1999), аҳоли сони бўйича мамлакатда 1-ўринда. Мамлакатнинг йирик иқтисодий маркази, бош порти. Аэропорти халқаро ахамиятга эга. Транспорт, электротехника машинасозлиги, радиоэлектроника, кора ва рангли металлургия, нефтни қайта ишлаш, кимё, тўқимачилик, полиграфия, озиқ-овқат, қоғоз саноати корхоналари мавжуд. Саноат корхоналари, асосан, қўлтиқдан шим.да ва шаҳар атрофларида, молиявий муассасалар эса жан. да жойлашган. Қўлтиқнинг ҳар икки соҳили равоқли кўприк (уз. 2 км) орқали боғланган. Метрополитен қурилган. ун-т (1850), консерватория, расадхона, кутубхоналар, Австралия, геол., амалий санъат музейлари, бадиий галерея, опера ва б. театрлар, ҳайвонот боғи бор. Шаҳарга 1788 й.да инглизлар томонидан асос солинган ва Англия ички ишлар вазири номи б-н Сидни деб аталган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.