Sigrid Unset
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 123–124-b. — ziyouz.com
Unset Sigrid UNSET (Undset) Sigrid (1882.20.5, Kalunborg, Daniya — 1949.10.6, Lillexammer, Norvegiya) — Norvegiya adibasi. Dastlabki asari — «Baxtli devor» (1906, hikoyalar töplami). «VigaLyot va Vigtis» (1909) romani tarixiy motivlarga taqlidan yozilgan. «Yenni» romani yoş ayolning özidan katta erkak va uning öğliga bölgan fojiali muhabbati haqida. Bu avtobiografik roman U.ning muvaffaqiyatli çiqqan ilk asari hisoblanadi.
1912—20 y.larda U. hikoyalar töplami va «Bahor» romanini, «Közgudagi aks» qissalar töplamini naşr ettirgan. Romanda nikoxdagi kelişuvçilik zinodan köra köproq baxtsizlik keltiradi, degan fikrni ilgari surgan. Tarixiy mavzudagi «Lavrans qizi Kristin» («Toj», 1920; «Beka», 1922; «Xoç», 1922) trilogiyasida 14-a.da Norvegiyada keçgan voqealar aks etgan. Asarda boy yer egasining mağrur va gözal qizi öziga nomunosib odamga turmuşga çiqqaç, muhtojliklar va baxtsizliklarga duçor bölib, oxiri ölat kasalligidan vafot etadi. U.ning tarixiy mavzudagi «Eudun öğli Olaf» (1—4j., 1925 — 27) romani Olaf haqidagi saga asosida yozilgan. Nobel mukofoti laureati (1928).
Asl matn (kirill, PDF'dagidek)
УНСЕТ (Undset) Сигрид (1882.20.5, Калунборг, Дания — 1949.10.6, Лиллехаммер, Норвегия) — Норвегия адибаси. Дастлабки асари — «Бахтли девор» (1906, ҳикоялар тўплами). «ВигаЛёт ва Вигтис» (1909) романи тарихий мотивларга тақлидан ёзилган. «Йенни» романи ёш аёлнинг ўзидан катта эркак ва унинг ўғлига бўлган фожиали муҳаббати ҳақида. Бу автобиографик роман У.нинг муваффақиятли чиққан илк асари ҳисобланади.
1912—20 й.ларда У. ҳикоялар тўплами ва «Баҳор» романини, «Кўзгудаги акс» қиссалар тўпламини нашр эттирган. Романда никохдаги келишувчилик зинодан кўра кўпроқ бахтсизлик келтиради, деган фикрни илгари сурган. Тарихий мавзудаги «Лавранс қизи Кристин» («Тож», 1920; «Бека», 1922; «Хоч», 1922) трилогиясида 14-а.да Норвегияда кечган воқеалар акс этган. Асарда бой ер эгасининг мағрур ва гўзал қизи ўзига номуносиб одамга турмушга чиққач, муҳтожликлар ва бахтсизликларга дучор бўлиб, охири ўлат касаллигидан вафот этади. У.нинг тарихий мавзудаги «Эудун ўғли Олаф» (1—4ж., 1925 — 27) романи Олаф ҳақидаги сага асосида ёзилган. Нобель мукофоти лауреати (1928).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.