Sintezator
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 391-b. — ziyouz.com
Sintezator — murakkab elektron musiqa çolğu asbobi. S. boşqa (jumladan, elektro) musiqa çolğularidan farqli ölaroq tovuşlarni çiqariş böyiça çeklanmagan imkoniyatlariga ega: unda barça kuy va usullar, turli musiqa sozlari va tabiat tovuşlari (mas, şamol ğuvillaşi, quşlar sayraşi), şuningdek yangi, tabiatda mavjud bölmagan tovuş, şovqin va tembrlarni çiqariş mumkin. Birinçi mukammal namunalari 20-a.ning 2-yarmida kaşf etilgan (Ye. Murzin, R. Mug va b.). Ular faqat maxsus studiyalarda, asosan, kompozitorlar tomonidan işlatilgan (X. Veding, E. Denisov, E. Artemyev va b.). Keyinçalik ixçam şaklidagi konsert va b. S.lar paydo bölib, estrada va popmusiqa (mas, Pol Maria orkestri, «Bony M» ansambli), rok musiqa («Space», «Pink Floyd», «Zodiak» kabi guruxlar), kinomusiqa, radio va telespektakllarda keng foydalanilgan. Özbekistonda turli rusumdagi S.lar 1980y.larning boşlarida paydo bölib («Yalla» ansambli, Ş. Jörayevga jörnavoz guruh va b.), hozirda radio va televideniye, kinostudiya va teatrlarda, musiqa studiyalarida fonogramma tayyorlaşda, ba'zida konsert jarayonida ham joriy etilmoqda.
Asl matn (kirill, PDF'dagidek)
СИНТЕЗАТОР — мураккаб электрон мусиқа чолғу асбоби. С. бошқа (жумладан, электро) мусиқа чолғуларидан фарқли ўлароқ товушларни чиқариш бўйича чекланмаган имкониятларига эга: унда барча куй ва усуллар, турли мусиқа созлари ва табиат товушлари (мас, шамол ғувиллаши, қушлар сайраши), шунингдек янги, табиатда мавжуд бўлмаган товуш, шовқин ва тембрларни чиқариш мумкин. Биринчи мукаммал намуналари 20-а.нинг 2-ярмида кашф этилган (Е. Мурзин, Р. Муг ва б.). Улар фақат махсус студияларда, асосан, композиторлар томонидан ишлатилган (X. Вединг, Э. Денисов, Э. Артемьев ва б.). Кейинчалик ихчам шаклидаги концерт ва б. С.лар пайдо бўлиб, эстрада ва попмусиқа (мас, Поль Мариа оркестри, «Bony M» ансамбли), рок мусиқа («Space», «Pink Floyd», «Зодиак» каби гурухлар), киномусиқа, радио ва телеспектаклларда кенг фойдаланилган. Ўзбекистонда турли русумдаги С.лар 1980й.ларнинг бошларида пайдо бўлиб («Ялла» ансамбли, Ш. Жўраевга жўрнавоз гуруҳ ва б.), ҳозирда радио ва телевидение, киностудия ва театрларда, мусиқа студияларида фонограмма тайёрлашда, баъзида концерт жараёнида ҳам жорий этилмоқда.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.