Siyğoqlik
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 349-b. — ziyouz.com
Siyğoqlik SIYĞOQLIK, siydik tuta olmaslik — siyiş ehtiyoji bölmagan holda siydik çiqariş kanalidan beixtiyor siydik ajralişi; turli urologik, ginekologik va nevrologik kasalliklarda kuzatiladi. Doimiy (mutloq), qisman (nisbiy) hamda tungi S. tafovut qilinadi. Doimiy S.da siydik qovuqqa yiğilmay, töxtamasdan oqib turaveradi. Bu köpinça qovuq va siydik çiqariş kanalining nuqsonlarida böladi. Qisman S.da siydik beixtiyor oz-ozdan keladi. Kişi qattiq yötalganida, kulganida, aksirganida yoki oğir yuk kötarib zöriqqanida siyib yuboradi. Bunday holat köpinça ayollarda tuğruq çoğida siydik yöllari şikastlanişi oqibatida röy beradi. Tungi S. — uyquda beixtiyor siyib qöyiş, asosan, yoş bolalarda uçraydi. Bunga fimoz, sistit, siydiktanosil organlari kasalliklari, şuningdek, markaziy nerv sistemasidagi vaqtinça funksional özgarişlar sabab böladi va bola 12—16 yoşga yetganda barham topişi ham mumkin. Biroq bunga befarq bölmay, iloji boriça tungi S. sababini ertaroq aniqlaş va, zarur bölsa, davo tadbirlarini köriş lozim; bu qança barvaqt boşlansa, natija şunça yaxşi böladi. S.ning har qanday turida ham vraçga murojaat qiliş zarur, u S.ga sabab bölayotgan omillarni aniklaydi va tegişli davo muolajalarini buyuradi.
Asl matn (kirill, PDF'dagidek)
СИЙҒОҚЛИК, сийдик тута олмаслик — сийиш эҳтиёжи бўлмаган ҳолда сийдик чиқариш каналидан беихтиёр сийдик ажралиши; турли урологик, гинекологик ва неврологик касалликларда кузатилади. Доимий (мутлоқ), қисман (нисбий) ҳамда тунги С. тафовут қилинади. Доимий С.да сийдик қовуққа йиғилмай, тўхтамасдан оқиб тураверади. Бу кўпинча қовуқ ва сийдик чиқариш каналининг нуқсонларида бўлади. Қисман С.да сийдик беихтиёр оз-оздан келади. Киши қаттиқ йўталганида, кулганида, аксирганида ёки оғир юк кўтариб зўриққанида сийиб юборади. Бундай ҳолат кўпинча аёлларда туғруқ чоғида сийдик йўллари шикастланиши оқибатида рўй беради. Тунги С. — уйқуда беихтиёр сийиб қўйиш, асосан, ёш болаларда учрайди. Бунга фимоз, цистит, сийдиктаносил органлари касалликлари, шунингдек, марказий нерв системасидаги вақтинча функционал ўзгаришлар сабаб бўлади ва бола 12—16 ёшга етганда барҳам топиши ҳам мумкин. Бироқ бунга бефарқ бўлмай, иложи борича тунги С. сабабини эртароқ аниқлаш ва, зарур бўлса, даво тадбирларини кўриш лозим; бу қанча барвақт бошланса, натижа шунча яхши бўлади. С.нинг ҳар қандай турида ҳам врачга мурожаат қилиш зарур, у С.га сабаб бўлаётган омилларни аниклайди ва тегишли даво муолажаларини буюради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.