Solih
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 504-b. — ziyouz.com
Solih — Qur'onda zikr etilgan payğambarlardan biri. Qur'onga köra, Samud qavmini hidoyatga boşlaş uçun payğambar qilib yuborilgan. Hijoz bilan Şom orasida Hijr degan joyda yaşovçi bu qavm nafsoniy lazzatlarga berilgan, huzurbaxş içimliklar içib, özlari yasab olgan butlarga siğinar edi. S. ularni faqat Allohga ibodat qilişga çaqiradi. Biroq qavm hidoyat yöliga yuriş örniga S.ni masxara qila boşlaydi va haqiqatdan ham payğambar bölsang, bizga mö'jiza körsat deb da'vo qiladi. Şunda S. Allohdan öziga bir mö'jiza berişini sörab duo qiladi. Alloh S.ning duosini ijobat qiladi va S mö'jiza körsatib xarsang toşdan tuya çiqaradi. S. qavmni tuyaga ozor bermaslikka çaqirib, havzadan bir kun tuya, bir kun qavm suv içişi lozimligini bildiradi (Qamar surasi, 27—28-oyatlar). Ammo, qavm tuyani söyib yuboradi, S. va uning oilasini yöqotişga qasd qiladi. Şunda osmondan kuçli çaqmoq yuborilib, ular halok etiladi (Vazzoriyot surasi, 44-oyat). S. öziga imon keltirgan kişilar bilan birga Falastindagi Ramla degan joyga borib, umrining oxirigaça şu yerda yaşaydi.
Asl matn (kirill, PDF'dagidek)
СОЛИҲ — Қуръонда зикр этилган пайғамбарлардан бири. Қуръонга кўра, Самуд қавмини ҳидоятга бошлаш учун пайғамбар қилиб юборилган. Ҳижоз билан Шом орасида Ҳижр деган жойда яшовчи бу қавм нафсоний лаззатларга берилган, ҳузурбахш ичимликлар ичиб, ўзлари ясаб олган бутларга сиғинар эди. С. уларни фақат Аллоҳга ибодат қилишга чақиради. Бироқ қавм ҳидоят йўлига юриш ўрнига С.ни масхара қила бошлайди ва ҳақиқатдан ҳам пайғамбар бўлсанг, бизга мўъжиза кўрсат деб даъво қилади. Шунда С. Аллоҳдан ўзига бир мўъжиза беришини сўраб дуо қилади. Аллоҳ С.нинг дуосини ижобат қилади ва С мўъжиза кўрсатиб харсанг тошдан туя чиқаради. С. қавмни туяга озор бермасликка чақириб, ҳавзадан бир кун туя, бир кун қавм сув ичиши лозимлигини билдиради (Қамар сураси, 27—28-оятлар). Аммо, қавм туяни сўйиб юборади, С. ва унинг оиласини йўқотишга қасд қилади. Шунда осмондан кучли чақмоқ юборилиб, улар ҳалок этилади (Ваззориёт сураси, 44-оят). С. ўзига имон келтирган кишилар билан бирга Фаластиндаги Рамла деган жойга бориб, умрининг охиригача шу ерда яшайди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.