Sovet
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 482-b. — ziyouz.com
Sovet—GERMANIYA BITIMLARI (1939) — 1) hujum qilmaslik haqida 1939 y. 23 avg.da tuzildi («MolotovRibbentrop pakta»); bitimga ilova qilingan maxfiy hujjat tomonlarning «manfaatlar doirasi»ni çegaralab berdi (Boltiqböyi, Şarqiy Polşa, Finlyandiya, Bessarabiya va Şim. Bukovina SSSR ning «manfaatlar doirasi»ga kiritildi). Bitim SSSRning taşki siyosatida Germaniya b-n yaqinlaşiş sari keskin özgarişni anglatardi; bitim tuzilgandan söng Germaniya Polşaga hujum qilib, 2-jahon uruşini boşlab yubordi. SSSR esa özining «manfaatlar doirasi»da belgilangan hududlarni öziga qöşib oldi; 2) «Döstlik va çegaralar haqida» 1939 y. 28 sent.da tuzilgan bitim SSSR b-n Germaniya örtasida taxm. «Kerzon çiziği» böylab çegarani belgilab berib, Polşa davlatini tugatişni mustahkamlab qöydi.
Asl matn (kirill, PDF'dagidek)
СОВЕТ—ГЕРМАНИЯ БИТИМЛАРИ (1939) — 1) ҳужум қилмаслик ҳақида 1939 й. 23 авг.да тузилди («МолотовРиббентроп пакта»); битимга илова қилинган махфий ҳужжат томонларнинг «манфаатлар доираси»ни чегаралаб берди (Болтиқбўйи, Шарқий Польша, Финляндия, Бессарабия ва Шим. Буковина СССР нинг «манфаатлар доираси»га киритилди). Битим СССРнинг ташки сиёсатида Германия б-н яқинлашиш сари кескин ўзгаришни англатарди; битим тузилгандан сўнг Германия Польшага ҳужум қилиб, 2-жаҳон урушини бошлаб юборди. СССР эса ўзининг «манфаатлар доираси»да белгиланган ҳудудларни ўзига қўшиб олди; 2) «Дўстлик ва чегаралар ҳақида» 1939 й. 28 сент.да тузилган битим СССР б-н Германия ўртасида тахм. «Керзон чизиғи» бўйлаб чегарани белгилаб бериб, Польша давлатини тугатишни мустаҳкамлаб қўйди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.