Sport anjomlari va jihozlari
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 577–578-b. — ziyouz.com
Sport anjomlari va jihozlari — jismoniy tarbiya va sport maşğulotlari, musobaqalari uçun muljallangan aslahalar, maxsus qurilma va asbobuskunalar. Xalqaro yoki milliy (sportning milliy turlari uçun) sport federatsiyalari tasdiklagan standartlar (qoidalar, normalar) ga muvofiq tayyorlanadi va standartlar böyiça xalqaro yoki davlat taşkilotlari tomonidan röyxatga olinadi. Sport anjomlari (snaryadlari), sport jihozlari, poyabzal va kiyimlari mavjud. Sport öyinlari uçun töplar, çavgonlar, raketkalar; kamon, rapira, qiliç, şamşir; yengil atletikada nayza, lappak, boskrn, yadro, langarçöp; gimnastika anjomlari; oğir atletikada — ştanga, toşlar; konki, çanği va b. sport anjomlari xisoblanadi. Eşkakli (akademik qayiq, baydarkalar, kanoe) va yelkanli (yaxtalar) qayiqlar, çanalar, velosipedlar (trekka, şossega, tandemga muljallangan), turli mototsikllar, sport avtomobillari, kartlar, planyorlar va sport samolyotlari kabi snaryadapparatlar alohida guruhni taşkil etadi. Sport jihozlari qatoriga sport arenalarining uskunalari: darvozalar, törlar, qalqonlar (şçitlar): tösiqlar, boksçilar ringi, gimnastika gilami va b.; sport musobaqalari va maşğulotlarda işlatiladigan maxsus texnika (fotofiniş, elektr tablo, turli trenajerlar va b.) kiradi. Sport kiyimi va poyabzali har bir sport turi uçun xalqaro sport federatsiyalari tomonidan qöyilgan texnik, gigiyenik va estetik talablarga muvofiq bölişi kerak. Ayrim sport turlarida kiyim himoya vositasi vazifasini bajaradi (şlemlar, niqoblar, közoynaklar, qölqoplar va h.k.). Poyabzal maxsus moslamalar (tişlar, zarbani yumşatuvçi amortizatorlar, qoplamalar va b.)ga ega böladi.
Asl matn (kirill, PDF'dagidek)
СПОРТ АНЖОМЛАРИ ВА ЖИҲОЗЛАРИ — жисмоний тарбия ва спорт машғулотлари, мусобақалари учун мулжалланган аслаҳалар, махсус қурилма ва асбобускуналар. Халқаро ёки миллий (спортнинг миллий турлари учун) спорт федерациялари тасдиклаган стандартлар (қоидалар, нормалар) га мувофиқ тайёрланади ва стандартлар бўйича халқаро ёки давлат ташкилотлари томонидан рўйхатга олинади. Спорт анжомлари (снарядлари), спорт жиҳозлари, пойабзал ва кийимлари мавжуд. Спорт ўйинлари учун тўплар, чавгонлар, ракеткалар; камон, рапира, қилич, шамшир; енгил атлетикада найза, лаппак, боскрн, ядро, лангарчўп; гимнастика анжомлари; оғир атлетикада — штанга, тошлар; коньки, чанғи ва б. спорт анжомлари хисобланади. Эшкакли (академик қайиқ, байдаркалар, каноэ) ва елканли (яхталар) қайиқлар, чаналар, велосипедлар (трекка, шоссега, тандемга мулжалланган), турли мотоцикллар, спорт автомобиллари, картлар, планёрлар ва спорт самолётлари каби снарядаппаратлар алоҳида гуруҳни ташкил этади. Спорт жиҳозлари қаторига спорт ареналарининг ускуналари: дарвозалар, тўрлар, қалқонлар (шчитлар): тўсиқлар, боксчилар ринги, гимнастика гилами ва б.; спорт мусобақалари ва машғулотларда ишлатиладиган махсус техника (фотофиниш, электр табло, турли тренажерлар ва б.) киради. Спорт кийими ва пойабзали ҳар бир спорт тури учун халқаро спорт федерациялари томонидан қўйилган техник, гигиеник ва эстетик талабларга мувофиқ бўлиши керак. Айрим спорт турларида кийим ҳимоя воситаси вазифасини бажаради (шлемлар, ниқоблар, кўзойнаклар, қўлқоплар ва ҳ.к.). Пойабзал махсус мосламалар (тишлар, зарбани юмшатувчи амортизаторлар, қопламалар ва б.)га эга бўлади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.