Sud ijroçisi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 678–679-b. — ziyouz.com
Sud ijroçisi (ÖzRda) fukarolik va xöjalik işlari böyiça sudlarning hal qiluv qarorlari, ajrim va b. qarorlarini, jinoyat işlari böyiça hukm, qaror va ajrimlarining mulkiy jazoni ijro etiş, moddiy qiymatliklarni undirişga oid qismlarini, şuningdek, qonunda közda tutilgan boşqa hollarda ma'muriy idoralarning qaror va farmoyişlarini majburiy ravişda amalga oşiruvçi mansabdor şaxs. Si., odatda, oliy yuridik yoki örta maxsus yuridik ma'lumotga ega bölişi talab qilinadi. S.i.ni Adliya vazirligi huzuridagi Departamentning hududiy bölimlari lavozimiga tayinlaydi va lavozimidan ozod qiladi. Si. tomonidan qöyiladigan talablar respublika hududidagi barça korxonalar, muassasa, taşkilot, jamoat birlaşmalari, mansabdor şaxs va fuqarolar uçun majburiydir. Si. ijroni qarzdorning turar joyida yoki uning mulki turgan joyda bajaradi. Si. tomonidan qarorlarni majburiy ijro ettiriş uçun qöllaniladigan çoralar jumlasiga quyidagilar kiradi: qarzdorning mulkini xatga oliş va sotiş orqali undirişni ta'minlaş; qarzdorning iş haqi, pensiya va b. daromadlaridan, boşqa şaxslarda saqlanayotgan pul summasi yoki mulkidan undiriş orqali ijro etiş; sud hal qiluv qarorlarida körsatilgan predmetlarni qarzdordan undiruvçiga olib beriş va şu kabi Si öz vazifalarini bajarayotganida «Sud hujjatlari va boşqa organlar hujjatlarini ijro etiş töğrisida»gi Özbekiston Respublikasi qonuni (2001 y. 29 avg.) ga amal qiladi.
Asl matn (kirill, PDF'dagidek)
СУД ИЖРОЧИСИ (ЎзРда) фукаролик ва хўжалик ишлари бўйича судларнинг ҳал қилув қарорлари, ажрим ва б. қарорларини, жиноят ишлари бўйича ҳукм, қарор ва ажримларининг мулкий жазони ижро этиш, моддий қийматликларни ундиришга оид қисмларини, шунингдек, қонунда кўзда тутилган бошқа ҳолларда маъмурий идораларнинг қарор ва фармойишларини мажбурий равишда амалга оширувчи мансабдор шахс. Си., одатда, олий юридик ёки ўрта махсус юридик маълумотга эга бўлиши талаб қилинади. С.и.ни Адлия вазирлиги ҳузуридаги Департаментнинг ҳудудий бўлимлари лавозимига тайинлайди ва лавозимидан озод қилади. Си. томонидан қўйиладиган талаблар республика ҳудудидаги барча корхоналар, муассаса, ташкилот, жамоат бирлашмалари, мансабдор шахс ва фуқаролар учун мажбурийдир. Си. ижрони қарздорнинг турар жойида ёки унинг мулки турган жойда бажаради. Си. томонидан қарорларни мажбурий ижро эттириш учун қўлланиладиган чоралар жумласига қуйидагилар киради: қарздорнинг мулкини хатга олиш ва сотиш орқали ундиришни таъминлаш; қарздорнинг иш ҳақи, пенсия ва б. даромадларидан, бошқа шахсларда сақланаётган пул суммаси ёки мулкидан ундириш орқали ижро этиш; суд ҳал қилув қарорларида кўрсатилган предметларни қарздордан ундирувчига олиб бериш ва шу каби Си ўз вазифаларини бажараётганида «Суд ҳужжатлари ва бошқа органлар ҳужжатларини ижро этиш тўғрисида»ги Ўзбекистон Республикаси қонуни (2001 й. 29 авг.) га амал қилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.