Sudlovning oşkoraligi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 692–693-b. — ziyouz.com
Sudlovning oşkoraligi (ÖzRda) — barça sudlarda işlarni oçiq sud majlisida körilişi prinsipi. Bu qoida Özbekiston Respublikasi Konstitutsiyasining 113moddasida belgilab qöyilgan. Sudda har qanday şaxs, jumladan, jamoat birlaşmalarining, ommaviy axborot vositalarining vakillari iştirok etişi mumkin. So. işlarni jamoatçilik kuzatuvida xolis va odilona körilişini, inson huquqlariga rioya etilişini, aholining huquqiy madaniyati yuksalişini ta'minlaydi. So. ga oid qoidalar protsessual kodekslarda batafeil bayon qilingan. Işlar faqat qonunda belgilangan hollarda, jumladan, davlat sirlarini yoki tijorat sirlarini saqlaş zarur bölganda, şuningdek, jinsiy jinoyatlarga oid bölsa, sudning ajrimiga asosan yopiq sud majlisida köriladi.
Zarur hollarda, voyaga yetmaganlarning jinoyatlari töğrisida, şuningdek, fuqarolarning şaxsiy hayotiga oid yoki ularning şa'ni va qadrqimmatini kamsitadigan ma'lumotlarni oşkor qilmaslik maqsadida, jabrlanuvçi, guvoh yoki işda iştirok etuvçi boşqa şaxslar, ularning oila a'zolari va qarindoşlari xavfsiz bölişini ta'minlaş taqozo qilganda, sud ajrim çiqarib işni yopiq majlisda körişi mumkin. Yopiq sud majlisida barça protsessual qoidalarga rioya qilinadi. Sud zalida ovozlarni yozib oliş, fotosuratga, videoyozuv, kino olişga fakat sud majlisida raislik qiluvçining ruxsati bilan yöl qöyiladi. Sud hukmi va qarorlari barça hollarda oşkora e'lon qilinadi (JPK, 19modda, FPK, 10modda, XPK, 8modda).
Asl matn (kirill, PDF'dagidek)
СУДЛОВНИНГ ОШКОРАЛИГИ (ЎзРда) — барча судларда ишларни очиқ суд мажлисида кўрилиши принципи. Бу қоида Ўзбекистон Республикаси Конституциясининг 113моддасида белгилаб қўйилган. Судда ҳар қандай шахс, жумладан, жамоат бирлашмаларининг, оммавий ахборот воситаларининг вакиллари иштирок этиши мумкин. Со. ишларни жамоатчилик кузатувида холис ва одилона кўрилишини, инсон ҳуқуқларига риоя этилишини, аҳолининг ҳуқуқий маданияти юксалишини таъминлайди. Со. га оид қоидалар процессуал кодексларда батафеил баён қилинган. Ишлар фақат қонунда белгиланган ҳолларда, жумладан, давлат сирларини ёки тижорат сирларини сақлаш зарур бўлганда, шунингдек, жинсий жиноятларга оид бўлса, суднинг ажримига асосан ёпиқ суд мажлисида кўрилади.
Зарур ҳолларда, вояга етмаганларнинг жиноятлари тўғрисида, шунингдек, фуқароларнинг шахсий ҳаётига оид ёки уларнинг шаъни ва қадрқимматини камситадиган маълумотларни ошкор қилмаслик мақсадида, жабрланувчи, гувоҳ ёки ишда иштирок этувчи бошқа шахслар, уларнинг оила аъзолари ва қариндошлари хавфсиз бўлишини таъминлаш тақозо қилганда, суд ажрим чиқариб ишни ёпиқ мажлисда кўриши мумкин. Ёпиқ суд мажлисида барча процессуал қоидаларга риоя қилинади. Суд залида овозларни ёзиб олиш, фотосуратга, видеоёзув, кино олишга факат суд мажлисида раислик қилувчининг рухсати билан йўл қўйилади. Суд ҳукми ва қарорлари барча ҳолларда ошкора эълон қилинади (ЖПК, 19модда, ФПК, 10модда, ХПК, 8модда).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.