Sulavesi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 699-b. — ziyouz.com
Sulavesi SULAVESI, Selebes Malay arxipelagining yirik orollaridan biri, Katta Zond o.lari tarkibida, Indoneziya hududi. Mayd. 170 ming km2. Granit va gneyslardan, mezozoy ohaktoşlari, yoş çökindi va vulkan jinslaridan tuzilgan. Relyefi toğli, eng baland joyi — 3440 m (Rantekombola toği), Minaxasa ya.o.da Klabat va Soputan harakatdagi vulkanlar bor. Iqlimi subekvatorial, mussonli, şim.da ekvatorial iqlim. Örtaça oylik tralar 25 — 27°, yillik yoğin 2000—2500 mm. Sernam tropik örmonlar, jan.da baland böyli ötli savannalar bor. Bir neçta qöriqxonalar taşkil etilgan. Foydali qazilmalardan temir va nikel rudalari topilgan. Kokos palmasi, kofe plantatsiyalari bor, şoli, batat, ziravorlar yetiştiriladi. Baliq ovlanadi. S.da 1ming yillik oxiridan 17-a.gaça Bone, Gova, Lulu kabi davlatlar bölgan. 17-a.dan 20-a. boşlarigaça golland mustamlakaçilari qöl ostida edi. 1949 y.dan Indoneziya tarkibida.
Asl matn (kirill, PDF'dagidek)
СУЛАВЕСИ, Целебес Малай архипелагининг йирик оролларидан бири, Катта Зонд о.лари таркибида, Индонезия ҳудуди. Майд. 170 минг км2. Гранит ва гнейслардан, мезозой оҳактошлари, ёш чўкинди ва вулкан жинсларидан тузилган. Рельефи тоғли, энг баланд жойи — 3440 м (Рантекомбола тоғи), Минахаса я.о.да Клабат ва Сопутан ҳаракатдаги вулканлар бор. Иқлими субэкваториал, муссонли, шим.да экваториал иқлим. Ўртача ойлик тралар 25 — 27°, йиллик ёғин 2000—2500 мм. Сернам тропик ўрмонлар, жан.да баланд бўйли ўтли саванналар бор. Бир нечта қўриқхоналар ташкил этилган. Фойдали қазилмалардан темир ва никель рудалари топилган. Кокос пальмаси, кофе плантациялари бор, шоли, батат, зираворлар етиштирилади. Балиқ овланади. С.да 1минг йиллик охиридан 17-а.гача Боне, Гова, Лулу каби давлатлар бўлган. 17-а.дан 20-а. бошларигача голланд мустамлакачилари қўл остида эди. 1949 й.дан Индонезия таркибида.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.