Sulaymon Aleksandroviç Yudakov

Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 7-b. — ziyouz.com

Yudakov Sulaymon Aleksandroviç YUDAKOV Sulaymon (Solomon) Aleksandroviç (1916.14.4, Qöqon — 1990.6.11, Toşkent) — kompozitor. Özbekiston xalqartisti (1976). Moskva konservatoriyasida ta'lim olgan (1934—41). 1941 yildan Toşkentga qaytib asosan ijod bilan şuğullangan. 1943—44 yillari Tojikiston filarmoniyasi badiiy rahbari. Uning asarlari özbek (va tojik) xalq kuylari hamda zamonaviy ohang va usullar uyğunligi, janr jihatidan xilmaxilligi, yorqin va hayotbaxş kuylari bilan ajralib turadi.

Yu. — opera («Maysaraning işi»), balet («Nasriddinning yoşligi» va «Jonli alanga»), kantatalar («Mening Vatanim», «Muborakbod», «Alyor» va boşqalar), 6 qismli «Mirzaçöl» vokal-simfonik syuita, vokal-simfonik poemalar, qöşiqlar, romanslar, («Kuylama sohibjamol», «Basandas» va boşqalar), kamer çolğu asarlar (mas, «Şarq poemasi» va boşqalar), dramatik spektakllar, kinofilmlarga musiqa va boşqalar asarlar muallifi. «Maysaraning işi» birinçi özbek hajviy operasi Toşkent, Samarqand, Aşxobod, Duşanba, Bişkek, Ufa, Moskva, Lodz (Polşa) teatrlarida sahnalaştirilgan, simfonik asarlari köp orkestrlar repertuaridan örin olgan. Qöşiqdaridan «Dugonalar», «Davra qöşiği», «Jon Özbekiston», «Karnaval valsi» va boşqalar ommalaşgan. Davlat mukofoti (1951), Hamza nomidagi Özbekiston Davlat mukofoti (1977) laureati.

Ad.: Plungyan V., S. Yudakov, T., 1979; Sulaymon Yudakov v vospominaniyax sovremennikov (avtorsostavitel V.Plungyan), T., 2003.

Asl matn (kirill, PDF'dagidek)

ЮДАКОВ Сулаймон (Соломон) Александрович (1916.14.4, Қўқон — 1990.6.11, Тошкент) — композитор. Ўзбекистон халқартисти (1976). Москва консерваториясида таълим олган (1934—41). 1941 йилдан Тошкентга қайтиб асосан ижод билан шуғулланган. 1943—44 йиллари Тожикистон филармонияси бадиий раҳбари. Унинг асарлари ўзбек (ва тожик) халқ куйлари ҳамда замонавий оҳанг ва усуллар уйғунлиги, жанр жиҳатидан хилмахиллиги, ёрқин ва ҳаётбахш куйлари билан ажралиб туради.

Ю. — опера («Майсаранинг иши»), балет («Насриддиннинг ёшлиги» ва «Жонли аланга»), кантаталар («Менинг Ватаним», «Муборакбод», «Алёр» ва бошқалар), 6 қисмли «Мирзачўл» вокал-симфоник сюита, вокал-симфоник поэмалар, қўшиқлар, романслар, («Куйлама соҳибжамол», «Басандас» ва бошқалар), камер чолғу асарлар (мас, «Шарқ поэмаси» ва бошқалар), драматик спектакллар, кинофильмларга мусиқа ва бошқалар асарлар муаллифи. «Майсаранинг иши» биринчи ўзбек ҳажвий операси Тошкент, Самарқанд, Ашхобод, Душанба, Бишкек, Уфа, Москва, Лодзь (Польша) театрларида саҳналаштирилган, симфоник асарлари кўп оркестрлар репертуаридан ўрин олган. Қўшиқдаридан «Дугоналар», «Давра қўшиғи», «Жон Ўзбекистон», «Карнавал вальси» ва бошқалар оммалашган. Давлат мукофоти (1951), Ҳамза номидаги Ўзбекистон Давлат мукофоти (1977) лауреати.

Ад.: Плунгян В., С. Юдаков, Т., 1979; Сулаймон Юдаков в воспоминаниях современников (авторсоставитель В.Плунгян), Т., 2003.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.