Sulaymonşoh
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 703-b. — ziyouz.com
Sulaymonşoh - bahodir Amir Temurning sarkardalaridan biri, amir. Dovudbekning öğli. Amir Husayn bilan kuraşida Sohibqironga yaqindan yordam bergan. Navqat (Keş va Nasaf orasidagi qad. şahar) yaqinidagi Jeta laşkari (5000 kişi) bilan bölgan zafarli jangda (1366) S. Sohibqiron qöşinida (600 kişi) bölgan. Amir Temurning Eronga qilgan 3 yillik uruşida (1386—88) Abbos bahodir bilan Movarounnahrni himoya qiliş uçun qoldirilgan. Töxtamiş Amir Temurning safardaligidan foydalanib, Movarounnahrga çopqun qilib Samarqand viloyatini talontoroj qilgan çoğda (1388) S. bahodir va Abbos baxrdir Samarqand ş.ni mudofaasiga boş bölganlar. Töxtamiş va Qamariddinga qarşi yurişlarda iştirok etgan. Yodgor barlos, Şamsuddin Abbos va Ğiyosiddin Tarxonlar bilan Turkistonda turgan qöşinni boşqargan va Sohibqironning amriga köra, Möğulistonga çopqun qilib köp öljalarni qölga kiritgan (1388 —90). 1391 y. Töxtamişga qarşi yurişda Sulton Mahmudxon bilan tumanga boşçilik qilgan. 1394 y. Uluğbek tuğilgan davrda Samarqand hokimi edi, Şohruxni peşkaş bilan kutib olgan. Amir Temur Xurosonni Şohruxga berganida S.ni ham uning mulozamatiga bergan (1397). Sohibqironning Boyazid I ga qarşi yurişida iştirok etgan amirzodalar Şohrux, Sulton Husaynlar bilan birga qora tatarlarni Rumdan köçirişga rahbarlik qilgan, Köpak turkmanga qarşi yurişda şijoat körsatgan. Anqara jangida qöşinning söl qanot amirlaridan bölgan.
Asl matn (kirill, PDF'dagidek)
СУЛАЙМОНШОҲ - баҳодир Амир Темурнинг саркардаларидан бири, амир. Довудбекнинг ўғли. Амир Ҳусайн билан курашида Соҳибқиронга яқиндан ёрдам берган. Навқат (Кеш ва Насаф орасидаги қад. шаҳар) яқинидаги Жета лашкари (5000 киши) билан бўлган зафарли жангда (1366) С. Соҳибқирон қўшинида (600 киши) бўлган. Амир Темурнинг Эронга қилган 3 йиллик урушида (1386—88) Аббос баҳодир билан Мовароуннаҳрни ҳимоя қилиш учун қолдирилган. Тўхтамиш Амир Темурнинг сафардалигидан фойдаланиб, Мовароуннаҳрга чопқун қилиб Самарқанд вилоятини талонторож қилган чоғда (1388) С. баҳодир ва Аббос бахрдир Самарқанд ш.ни мудофаасига бош бўлганлар. Тўхтамиш ва Қамариддинга қарши юришларда иштирок этган. Ёдгор барлос, Шамсуддин Аббос ва Ғиёсиддин Тархонлар билан Туркистонда турган қўшинни бошқарган ва Соҳибқироннинг амрига кўра, Мўғулистонга чопқун қилиб кўп ўлжаларни қўлга киритган (1388 —90). 1391 й. Тўхтамишга қарши юришда Султон Маҳмудхон билан туманга бошчилик қилган. 1394 й. Улуғбек туғилган даврда Самарқанд ҳокими эди, Шоҳрухни пешкаш билан кутиб олган. Амир Темур Хуросонни Шоҳрухга берганида С.ни ҳам унинг мулозаматига берган (1397). Соҳибқироннинг Боязид I га қарши юришида иштирок этган амирзодалар Шоҳрух, Султон Ҳусайнлар билан бирга қора татарларни Румдан кўчиришга раҳбарлик қилган, Кўпак туркманга қарши юришда шижоат кўрсатган. Анқара жангида қўшиннинг сўл қанот амирларидан бўлган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.