Suluvxon Mambetova
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 155-b. — ziyouz.com
Mambetova Suluvxon (1933.1.1, Çimboy) — qoraqalpoq aktrisasi va xonandasi. Qoraqalpoğiston (1963), Uzbekiston (1969) xalq artisti. Nukus musiqaxoreografiya bilim yurtining vokal bölimini tugatgan (1967). Çimboy tuman teatri aktrisasi (1948— 50), Berdaq nomidagi Qoraqalpoğiston davlat filarmoniyasi (1950—67), Qoraqalpoğiston radio va televideniyesining xalq çolğulari orkestri (1967 y.dan) yakkaxon xonandasi. Şirali, ifodaviy imkoniyatlarga boy ovoz sohibasi. Repertuaridan qoraqal-poq xalq qöşiqlari, «Alpomiş», «Ğarib oşiq», «Sayotxon Hamro» kabi dostonlardan parçalar («Miyan köl», «Bibisanam», «Tog orasida», «Eşboy», «Muxalles», «Sanam keldi» va b.), zamonaviy qöşiqlar («Quvontirar meni», «Yangajon», «Dutorim mening», «Oltin qöllar», «Intizoringman» va b.), qoraqalpoq kompozitorlari asarlari (A. Sultonov, «Gong şamollari»; X. Turdikupov, «Döstimga», «Şodlik sozi»; «Qadringni bil», «Bölmasa» va b.), şuningdek, özbek (Sayfi Jalil, «Noz etma»; M. Mirzayev «Ey, Vatan», «Soçlarim tolimtolim» va b.), turkman («Avezim», «Göröğli» dostonidan) va b. xalqlar qöşiqlari örin olgan.
Asl matn (kirill, PDF'dagidek)
МАМБЕТОВА Сулувхон (1933.1.1, Чимбой) — қорақалпоқ актрисаси ва хонандаси. Қорақалпоғистон (1963), Узбекистон (1969) халқ артисти. Нукус мусиқахореография билим юртининг вокал бўлимини тугатган (1967). Чимбой туман театри актрисаси (1948— 50), Бердақ номидаги Қорақалпоғистон давлат филармонияси (1950—67), Қорақалпоғистон радио ва телевидениесининг халқ чолғулари оркестри (1967 й.дан) яккахон хонандаси. Ширали, ифодавий имкониятларга бой овоз соҳибаси. Репертуаридан қорақал-поқ халқ қўшиқлари, «Алпомиш», «Ғариб ошиқ», «Саётхон Ҳамро» каби достонлардан парчалар («Миян кўл», «Бибисанам», «Тог орасида», «Эшбой», «Мухаллес», «Санам келди» ва б.), замонавий қўшиқлар («Қувонтирар мени», «Янгажон», «Дуторим менинг», «Олтин қўллар», «Интизорингман» ва б.), қорақалпоқ композиторлари асарлари (А. Султонов, «Гонг шамоллари»; X. Турдикупов, «Дўстимга», «Шодлик сози»; «Қадрингни бил», «Бўлмаса» ва б.), шунингдек, ўзбек (Сайфи Жалил, «Ноз этма»; М. Мирзаев «Эй, Ватан», «Сочларим толимтолим» ва б.), туркман («Авезим», «Гўрўғли» достонидан) ва б. халқлар қўшиқлари ўрин олган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.