Surxondaryo viloyat ölkaşunoslik muzeyi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 760-b. — ziyouz.com
Surxondaryo viloyat ölkaşunoslik muzeyi - madaniy ma'rifiy muassasa. Termiz ş.da 1934 y.da (1933 y.da uyuştirilgan xalq xöjaligi körgazmasi asosida) taşkil qilingan. Muzeyda Termiz va termiziy allomalar tarixi, qadimşunoslik va tangaşunoslik, xalq oğzaki ijodi, etnografiyasi, xalq, amaliy san'ati, ölka tabiati, sporti, tasviriy san'at bölimlari hamda 14 ming nusxadan ziyod asarga ega kutubxona bor. Muzey fondi 64 mingdan ortiq (2004). Eksponatlar Surxondaryo viloyatining eng qadim zamonlardan hozirgaça bölgan tarixi va madaniyati haqida hikoya qiladi: turli davrlarga oid zargarlik buyumlari, turli davrlarda zarb qilingan tangalar, hunarmandlik buyumlari, ganç öymakorligi, me'moriy yodgorliklar qoldiqlari, sopol buyumlar, haykalçalar, töqimaçilik dastgohlari, uy anjomlari, iş qurollari mavjud. Muzey madaniy-ma'rifiy işlarni amalga oşiradi, körgazmalar taşkil etadi, ilmiy işlar naşr qiladi, boşqa köpgina ilmiy muassasalar bilan hamkorlikda faoliyat olib boradi.
Asl matn (kirill, PDF'dagidek)
СУРХОНДАРЁ ВИЛОЯТ ЎЛКАШУНОСЛИК МУЗЕЙИ - маданий маърифий муассаса. Термиз ш.да 1934 й.да (1933 й.да уюштирилган халқ хўжалиги кўргазмаси асосида) ташкил қилинган. Музейда Термиз ва термизий алломалар тарихи, қадимшунослик ва тангашунослик, халқ оғзаки ижоди, этнографияси, халқ, амалий санъати, ўлка табиати, спорти, тасвирий санъат бўлимлари ҳамда 14 минг нусхадан зиёд асарга эга кутубхона бор. Музей фонди 64 мингдан ортиқ (2004). Экспонатлар Сурхондарё вилоятининг энг қадим замонлардан ҳозиргача бўлган тарихи ва маданияти ҳақида ҳикоя қилади: турли даврларга оид заргарлик буюмлари, турли даврларда зарб қилинган тангалар, ҳунармандлик буюмлари, ганч ўймакорлиги, меъморий ёдгорликлар қолдиқлари, сопол буюмлар, ҳайкалчалар, тўқимачилик дастгоҳлари, уй анжомлари, иш қуроллари мавжуд. Музей маданий-маърифий ишларни амалга оширади, кўргазмалар ташкил этади, илмий ишлар нашр қилади, бошқа кўпгина илмий муассасалар билан ҳамкорликда фаолият олиб боради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.