Sut soğiş qurilmasi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 776-b. — ziyouz.com
Sut soğiş qurilmasi - sutni vakuum hosil qilib soğiş uçun möljallangan maşina va apparatlar majmui. Elektr dvigatel, vakuumnasos, pulsator, soğiş stakanlari, kollektor, vakuumballon, vakuum rostlagiç, vakuummetr va sut quvurlaridan iborat. Elektr dvigatel yoki içki yenuv dvigateli quvurlar tizimida vakuum hosil qilişga möljallangan bölib, vakuumnasosni harakatga keltiradi. Truboprovod vakuumballonni molxonadagi magistral quvur bilan tutaştiradi. Molxonadagi quvurlarga soğiş jömraklari örnatilgan. Vakuumrostlagiç quvurda muayyan vakuumni sakdab turadi. Quvurda vakuum haddan taşqari oşib ketsa, rostlagiç klapani avtomatik ravişda oçiladi va undagi havo vakuumi kuçini kamaytiradi. Quvurlar tizimiga vakuum tekşirib turiladigan vakuummetr ham örnatiladi. S.s.q. sut soğiş stanogi, sut yiğiladigan va saqlanadigan idiş, yelinni yuviş va soğiş apparatlarini dezinfeksiya qiliş qurilmalari, şuningdek sun'iy sovitiş moslamalari va h.k. bilan butlanadi.
Asl matn (kirill, PDF'dagidek)
СУТ СОҒИШ ҚУРИЛМАСИ - сутни вакуум ҳосил қилиб соғиш учун мўлжалланган машина ва аппаратлар мажмуи. Электр двигатель, вакуумнасос, пульсатор, соғиш стаканлари, коллектор, вакуумбаллон, вакуум ростлагич, вакуумметр ва сут қувурларидан иборат. Электр двигатель ёки ички енув двигатели қувурлар тизимида вакуум ҳосил қилишга мўлжалланган бўлиб, вакуумнасосни ҳаракатга келтиради. Трубопровод вакуумбаллонни молхонадаги магистрал қувур билан туташтиради. Молхонадаги қувурларга соғиш жўмраклари ўрнатилган. Вакуумростлагич қувурда муайян вакуумни сакдаб туради. Қувурда вакуум ҳаддан ташқари ошиб кетса, ростлагич клапани автоматик равишда очилади ва ундаги ҳаво вакууми кучини камайтиради. Қувурлар тизимига вакуум текшириб туриладиган вакуумметр ҳам ўрнатилади. С.с.қ. сут соғиш станоги, сут йиғиладиган ва сақланадиган идиш, елинни ювиш ва соғиш аппаратларини дезинфекция қилиш қурилмалари, шунингдек сунъий совитиш мосламалари ва ҳ.к. билан бутланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.