«Talaba» sport uyuşmasi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 61–62-b. — ziyouz.com
«Talaba» sport uyuşmasi - ÖzRdagi oliy va örta maxsus öquv yurtlari öquvçilari hamda talabalarining sport uyuşmasi. 2002 y. 25 dek.da tuzilgan. Oliy va örta maxsus öquv yurtlarining talabalari, magistr, aspirant, prof.öqituvçilari, ilmiy xodimlari, işçi, xizmatçilari örtasida jismoniy tarbiya, sport va turizmni ommalaştirişga da'vat etilgan. Toşkent ş., viloyatlar va Qoraqalpoğiston Respublikasida uyuşmaning bölimlari, oliy öquv yurtlarida esa «Talaba» sport klublari tuzilgan. «T.» su. har 3 y.da 1 marta 20 ga yaqin sport turlari böyiça universiadalar ötkazadi. Universiadalar oraliğida sport turlari böyiça çempionat va kubok musobaqalarini uyuştiradi. 1universiada Namangan ş.da bölib ötgan (2000).
Uyuşma safida 87 184 a'zo bölib, ulardan 20 mingga yaqini sport seksiyalarida muntazam şuğullanadi, 9272 nafar 3 va 2razryadli, 2742 nafar 1razryadli, 858 nafar sport ustaligiga nomzod, 636 nafar sport ustasi, 97 nafar xalkaro toifadagi sport ustasi bor (2003). Oliy ta'lim muassasalaridagi 120 ta sport zali, 52 ta futbol maydoni, 71 ta qöl töpi maydoni, 150 ta voleybol maydoni, 113 ta basketbol maydoni, 87 ta yuguriş yölakçasi, 11 ta suziş havzasi, 42 ta tennis korti «T.» su. a'zolari xizmatida.
Asl matn (kirill, PDF'dagidek)
«ТАЛАБА» СПОРТ УЮШМАСИ - ЎзРдаги олий ва ўрта махсус ўқув юртлари ўқувчилари ҳамда талабаларининг спорт уюшмаси. 2002 й. 25 дек.да тузилган. Олий ва ўрта махсус ўқув юртларининг талабалари, магистр, аспирант, проф.ўқитувчилари, илмий ходимлари, ишчи, хизматчилари ўртасида жисмоний тарбия, спорт ва туризмни оммалаштиришга даъват этилган. Тошкент ш., вилоятлар ва Қорақалпоғистон Республикасида уюшманинг бўлимлари, олий ўқув юртларида эса «Талаба» спорт клублари тузилган. «Т.» су. ҳар 3 й.да 1 марта 20 га яқин спорт турлари бўйича универсиадалар ўтказади. Универсиадалар оралиғида спорт турлари бўйича чемпионат ва кубок мусобақаларини уюштиради. 1универсиада Наманган ш.да бўлиб ўтган (2000).
Уюшма сафида 87 184 аъзо бўлиб, улардан 20 мингга яқини спорт секцияларида мунтазам шуғулланади, 9272 нафар 3 ва 2разрядли, 2742 нафар 1разрядли, 858 нафар спорт усталигига номзод, 636 нафар спорт устаси, 97 нафар халкаро тоифадаги спорт устаси бор (2003). Олий таълим муассасаларидаги 120 та спорт зали, 52 та футбол майдони, 71 та қўл тўпи майдони, 150 та волейбол майдони, 113 та баскетбол майдони, 87 та югуриш йўлакчаси, 11 та сузиш ҳавзаси, 42 та теннис корти «Т.» су. аъзолари хизматида.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.