Tandir barra
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 92-b. — ziyouz.com
Tandir barra TANDIR BARRA, tandir — milliy taom turi. T.b. köproq töy, bayram va yiğilişlarda ziyofat dasturxoniga tayyorlanadi. Asosan Qaşqadaryo va Surxondaryo viloyatlari, şuningdek Samarqand va Jizzax viloyatlarining ayrim tumanlariga (Urgut, Zomin, Foriş) xos. T.b. tayyorlaş uçun yonbağir yerdan diametri 1 m, çuq. 1,5 m keladigan öra qaziladi yoki tandir quriladi. Tandir içi guvala kattaligidagi toşlar bilan aylantirib urib çiqiladi. Tandirga atrofidagi toşlar qizigunça öt yoqiladi. Yangi söyilgan qöy göştiga tuz va ziravorlar sepilib, arça şoxlari qadalib, tandir içiga osiladi. Tandir ostida töplangan çöğ ustiga göştdan tomgan yoğ yiğiladigan katta mis toğora qöyiladi. Toğora atrofiga arçaning yaşil barglaridan taşlanadi. Tandir usti tunuka toğora bilan yopilib, atrofi loy bilan suvaladi. T.b. 3 soat çamasi dimlanadi.
Asl matn (kirill, PDF'dagidek)
ТАНДИР БАРРА, тандир — миллий таом тури. Т.б. кўпроқ тўй, байрам ва йиғилишларда зиёфат дастурхонига тайёрланади. Асосан Қашқадарё ва Сурхондарё вилоятлари, шунингдек Самарқанд ва Жиззах вилоятларининг айрим туманларига (Ургут, Зомин, Фориш) хос. Т.б. тайёрлаш учун ёнбағир ердан диаметри 1 м, чуқ. 1,5 м келадиган ўра қазилади ёки тандир қурилади. Тандир ичи гувала катталигидаги тошлар билан айлантириб уриб чиқилади. Тандирга атрофидаги тошлар қизигунча ўт ёқилади. Янги сўйилган қўй гўштига туз ва зираворлар сепилиб, арча шохлари қадалиб, тандир ичига осилади. Тандир остида тўпланган чўғ устига гўштдан томган ёғ йиғиладиган катта мис тоғора қўйилади. Тоғора атрофига арчанинг яшил баргларидан ташланади. Тандир усти тунука тоғора билан ёпилиб, атрофи лой билан сувалади. Т.б. 3 соат чамаси димланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.