Tanlov
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 100-b. — ziyouz.com
Tanlov (mehnat huquqida) — xodimlarni muayyan lavozimlarga tanlab olişning maxsus tartibi. Bunda xodim iş beruvçi tomonidan tanlab olinmaydi, balki kollegial organ (mas., oliy öquv yurtining ilmiy kengaşi, i.t. instituta ilmiy kengaşi, teatrtomoşa muassasalari badiiy kengaşi)ning qarori asosida tanlab olinadi. Uşbu kengaşlarning T.da golib çiqkan şaxeni tegişli lavozimga saylaş töğrisidagi qarori iş beruvçi uçun majburiydir. T., asosan, vakant lavozimlarni: oliy ukuv yurtlarida kafedra mudiri, prof. öqituvçi; i.t. muassasalarida — lab., bölim, sektor mudiri, katta va kiçik ilmiy xodim lavozimlarini; teatr, ansambl, filarmoniya va b. konsert taşkilotlarida — artist, rejissyor, dirijyor, baletmeyster, xormeyster va rassom lavozimlarini egallaş uçun ötkaziladi. Odatda, oliy öquv yurtlarining assistent, öqituvçi lavozimlariga T. e'lon qilinmaydi, bu vakant lavozimlarga aspirantura va magistraturani tamomlagan şaxslar qabul qilinadi. 2 yillik muddat ötgaç, bu lavozimlar T. orqali egallanadi (ÖzR Oliy va örta maxsus ta'lim vazirligining 1998 y. 30 okt. dagi buyruği bilan tasdiklangan «Oliy öquv yurtlariga pedagogik xodimlarni işga kabul qiliş tartibi haqidagi nizom»).
Anvar Inoyatov.
Asl matn (kirill, PDF'dagidek)
ТАНЛОВ (меҳнат ҳуқуқида) — ходимларни муайян лавозимларга танлаб олишнинг махсус тартиби. Бунда ходим иш берувчи томонидан танлаб олинмайди, балки коллегиал орган (мас., олий ўқув юртининг илмий кенгаши, и.т. института илмий кенгаши, театртомоша муассасалари бадиий кенгаши)нинг қарори асосида танлаб олинади. Ушбу кенгашларнинг Т.да голиб чиқкан шахени тегишли лавозимга сайлаш тўғрисидаги қарори иш берувчи учун мажбурийдир. Т., асосан, вакант лавозимларни: олий укув юртларида кафедра мудири, проф. ўқитувчи; и.т. муассасаларида — лаб., бўлим, сектор мудири, катта ва кичик илмий ходим лавозимларини; театр, ансамбль, филармония ва б. концерт ташкилотларида — артист, режиссёр, дирижёр, балетмейстер, хормейстер ва рассом лавозимларини эгаллаш учун ўтказилади. Одатда, олий ўқув юртларининг ассистент, ўқитувчи лавозимларига Т. эълон қилинмайди, бу вакант лавозимларга аспирантура ва магистратурани тамомлаган шахслар қабул қилинади. 2 йиллик муддат ўтгач, бу лавозимлар Т. орқали эгалланади (ЎзР Олий ва ўрта махсус таълим вазирлигининг 1998 й. 30 окт. даги буйруғи билан тасдикланган «Олий ўқув юртларига педагогик ходимларни ишга кабул қилиш тартиби ҳақидаги низом»).
Анвар Иноятов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.