Tegirmon gazkondensat koni
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 211–212-b. — ziyouz.com
Tegirmon gazkondensat koni — Buxoro viloyatidagi Olot t.y. stansiyasidan 20 km jan.şarkda joylaşgan. Kon 1976 y.da oçilgan. T.g.k. Çorjöy tektonik poğonasining markaziy qismida, Dengizköl zanjirsimon kötarilmasining şim.ğarbiy yönalişdagi egilgan qismida joylaşgan. Yuqori yura ohaktoşlari şipi böyiça tegirmon burmasi 2 mustaqil — şarqiy va ğarbiy tegirmon qubbalariga bölingan. T.g.k.da 3 quduq qazilgan bölib, ularda yuqori yura karbonat yotqiziklaridagi sanoat ahamiyatiga molik gaz mavjud. Yura yotqiziklari 3 qalin qatlamga bölingan: terrigen, karbonat va tuzangidrit. Terrigen jinslar kumirli argillit, kumtoş va alevrolitlardan (qalinligi 102 m) iborat. Karbonat katlamning (342—362 m) mahsuldor qismi gorizontlarga bulingan. Gaz, asosan şu gorizontlarda uçraydi. Gorizontlar yuqori ğovakli kesaksimon teksturali — suvötli ohaktoşlardan tuzilgan bölib qatlamkollektorlarni hosil qiladi. Gorizontlardagi gaz quruq va yengil. Gorizontlarda kondensat uyumi ham uçraydi. Ayrim gorizontlardagi qatlam suvlari xloridkalsiy tipiga mansub bölib, minerallaşgan, sedimentatsion metamorflaşgan namakobdan iborat. Kon hoz. kunda sanoat miqyosida foydalanişga tayyorlangan.
Asl matn (kirill, PDF'dagidek)
ТЕГИРМОН ГАЗКОНДЕНСАТ КОНИ — Бухоро вилоятидаги Олот т.й. станциясидан 20 км жан.шаркда жойлашган. Кон 1976 й.да очилган. Т.г.к. Чоржўй тектоник поғонасининг марказий қисмида, Денгизкўл занжирсимон кўтарилмасининг шим.ғарбий йўналишдаги эгилган қисмида жойлашган. Юқори юра оҳактошлари шипи бўйича тегирмон бурмаси 2 мустақил — шарқий ва ғарбий тегирмон қуббаларига бўлинган. Т.г.к.да 3 қудуқ қазилган бўлиб, уларда юқори юра карбонат ётқизикларидаги саноат аҳамиятига молик газ мавжуд. Юра ётқизиклари 3 қалин қатламга бўлинган: терриген, карбонат ва тузангидрит. Терриген жинслар кумирли аргиллит, кумтош ва алевролитлардан (қалинлиги 102 м) иборат. Карбонат катламнинг (342—362 м) маҳсулдор қисми горизонтларга булинган. Газ, асосан шу горизонтларда учрайди. Горизонтлар юқори ғовакли кесаксимон текстурали — сувўтли оҳактошлардан тузилган бўлиб қатламколлекторларни ҳосил қилади. Горизонтлардаги газ қуруқ ва енгил. Горизонтларда конденсат уюми ҳам учрайди. Айрим горизонтлардаги қатлам сувлари хлоридкальций типига мансуб бўлиб, минераллашган, седиментацион метаморфлашган намакобдан иборат. Кон ҳоз. кунда саноат миқёсида фойдаланишга тайёрланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.