Tenoçtitlan
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 293-b. — ziyouz.com
Tenoçtitlan (Tenochtitlan) atsteklar davlati poytaxti (14—16-a.lar). Rivoyatlarga köra, Teskoko kölining ğarbiy qismidagi orolda 1325 y. barpo etilgan. Şahar xarobasi mayd. 1000 ga ni taşkil etgan. T.ni köplab kanallar kesib ötgan, şahar kötarma köpriklari bölgan 3 ta damba yordamida quruklik bilan boğlangan. Şahar 4 rn — Kuepopan, Teopan, Moyotlan va Astakalkoga, ular esa öz navbatida xar biri 5 kvartal (mahalla)ga bölingan. T. markazida mahobatli ibodatxonalar (boş ibodatxonaning bal. 30 m), hukmdorlar va zodagonlar saroylari joylaşgan; şahar doirasida hunarmandlarning maxsus mahallalari — Amantlan va b. mavjud bölgan. Meksika ispan bosqinçilari tomonidan bosib olinayotgan vaqtda T. butkul vayron qilingan (1521) va uning xarobalari örnida Mexiko ş.ga asos solingan.
Javli Tursunov.
Asl matn (kirill, PDF'dagidek)
ТЕНОЧТИТЛАН (Tenochtitlan) ацтеклар давлати пойтахти (14—16-а.лар). Ривоятларга кўра, Тескоко кўлининг ғарбий қисмидаги оролда 1325 й. барпо этилган. Шаҳар харобаси майд. 1000 га ни ташкил этган. Т.ни кўплаб каналлар кесиб ўтган, шаҳар кўтарма кўприклари бўлган 3 та дамба ёрдамида қуруклик билан боғланган. Шаҳар 4 рн — Куэпопан, Теопан, Мойотлан ва Астакалькога, улар эса ўз навбатида хар бири 5 квартал (маҳалла)га бўлинган. Т. марказида маҳобатли ибодатхоналар (бош ибодатхонанинг бал. 30 м), ҳукмдорлар ва зодагонлар саройлари жойлашган; шаҳар доирасида ҳунармандларнинг махсус маҳаллалари — Амантлан ва б. мавжуд бўлган. Мексика испан босқинчилари томонидан босиб олинаётган вақтда Т. буткул вайрон қилинган (1521) ва унинг харобалари ўрнида Мехико ш.га асос солинган.
Жавли Турсунов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.