Teodor German Albert Drayzer
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 384-b. — ziyouz.com
Drayzer Teodor German Albert DRAYZER (Dreiser) Teodor German Albert (1871.27.8, Terre-Xot - 1945.28.12, Gollivud) — Amerika yozuvçisi va jamoat arbobi. «Çikago deyli nyus» («Chicago Daily News») gaz. muharriri (1892). Birinçi yirik asari «Baxti qaro Kerri» (1900) va «Jenni Gerxardt» (1911) romanlarida oddiy qizlar taqdiridagi ijtimoiy-axloqiy masalalar tasvirlangan. «Istak trilogiyasi» («Moliyaçi», 1912; «Titan», 1914; «Matonat» 1947) yulğiçlikning foydasizligini tuşunib yetgan moliyaçi haqida. «Daho» (1915) va «Amerika fojiasi» (1925) romanlarida pulning san'at ustidan fojiali hukmronligi va qanday yöl b-n bölmasin, ijtimoiy «yutuqqa» erişişga intilgan «örta hol» yigitning ma'naviy halokati hikoya qilinadi. «Tayanç» (1946) romani, «Yigirma erkak» (1919), «Katta şahar ranglari» (1923), «Zanjirlar» (1927) «Ayollar galereyasi» (1929) novellalari, «Baraban qoq!» (1920), «Fojiaviy Amerika» (1931) va b. publitsistik töplamlari naşr etilgan. D. Amsterdamda ötkazilgan tinçlik va madaniyatni saqlaş böyiça kongress taşkilotçilaridan biri (1932). D. uz ijodida realizm b-n naturalizm tamoyillarini birlaştirgan. «Baxti qaro Kerri» (1973), «Amerika fojiasi» (1976), «Jenni Gerxardt» (1982) romanlari özbek tilida naşr qilingan.
Asl matn (kirill, PDF'dagidek)
ДРАЙЗЕР (Dreiser) Теодор Герман Альберт (1871.27.8, Терре-Хот - 1945.28.12, Голливуд) — Америка ёзувчиси ва жамоат арбоби. «Чикаго дейли ньюс» («Chicago Daily News») газ. муҳаррири (1892). Биринчи йирик асари «Бахти қаро Керри» (1900) ва «Женни Герхардт» (1911) романларида оддий қизлар тақдиридаги ижтимоий-ахлоқий масалалар тасвирланган. «Истак трилогияси» («Молиячи», 1912; «Титан», 1914; «Матонат» 1947) юлғичликнинг фойдасизлигини тушуниб етган молиячи ҳақида. «Даҳо» (1915) ва «Америка фожиаси» (1925) романларида пулнинг санъат устидан фожиали ҳукмронлиги ва қандай йўл б-н бўлмасин, ижтимоий «ютуққа» эришишга интилган «ўрта ҳол» йигитнинг маънавий ҳалокати ҳикоя қилинади. «Таянч» (1946) романи, «Йигирма эркак» (1919), «Катта шаҳар ранглари» (1923), «Занжирлар» (1927) «Аёллар галереяси» (1929) новеллалари, «Барабан қоқ!» (1920), «Фожиавий Америка» (1931) ва б. публицистик тўпламлари нашр этилган. Д. Амстердамда ўтказилган тинчлик ва маданиятни сақлаш бўйича конгресс ташкилотчиларидан бири (1932). Д. уз ижодида реализм б-н натурализм тамойилларини бирлаштирган. «Бахти қаро Керри» (1973), «Америка фожиаси» (1976), «Женни Герхардт» (1982) романлари ўзбек тилида нашр қилинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.