Terekkon oltin koni
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 303-b. — ziyouz.com
Terekkon oltin koni - Qirğiziston Respublikasi Öş viloyati hududidagi kon, Çatqol toğ tizmasining jan. qismida joylaşgan. Geologik jihatdan proterozoy davriga mansub marmarlaşgan ohaktoşlar va ularni qoplab turuvçi kvarsslyudali slanetslar bağridan örin olgan. Kon hududida bir neça ruda tanalari mavjud, ulardan ikkitasi eng yirik bölib, sanoat ahamiyatiga molik (örtaça 4,8 g/t), oltin zaxiralarining deyarli 90% ini özida jamlagan. Ruda tanalari oraliği 20—30 m bölib, parallel joylaşgan, ularning uz. 250 m gaça, çuqurligi 300 m gaça, örtaça qalinligi 3,5 m. Ularning yotiş qiyaligi 10—30°. Suxar toğining asosini taşkil qiluvçi braxiantiklinalning şarqiy qanotida rivojlangan siniqlar bilan boğliq. Şakli linzasimon va tomirsimon. Oltin rudasining asosiy uyumlari kvarsslyudali slanetslar ostida rivojlangan kvarsli brekçiyalarda uçraydi. Bu ruda tanalarining (oltinning örtaça mikdori 9,3— 26,3 g/t gaça) şakli kiçik uyaçasimon bölib, oltin ruda tanasida notekis tarkalgan. Konning genezisi — gidrotermalmetasomatik; oltin asosan, arsenopirit, pirit hamda pirrotinlar bilan boğliq; ulardan taşqari antimonit, sfalerit, kinovar minerallari, xira rudalar ham uçraydi. Kon 1950-y. lar oxiridan boşlab özlaştirilmoqda.
Asl matn (kirill, PDF'dagidek)
ТЕРЕККОН ОЛТИН КОНИ - Қирғизистон Республикаси Ўш вилояти ҳудудидаги кон, Чатқол тоғ тизмасининг жан. қисмида жойлашган. Геологик жиҳатдан протерозой даврига мансуб мармарлашган оҳактошлар ва уларни қоплаб турувчи кварцслюдали сланецлар бағридан ўрин олган. Кон ҳудудида бир неча руда таналари мавжуд, улардан иккитаси энг йирик бўлиб, саноат аҳамиятига молик (ўртача 4,8 г/т), олтин захираларининг деярли 90% ини ўзида жамлаган. Руда таналари оралиғи 20—30 м бўлиб, параллел жойлашган, уларнинг уз. 250 м гача, чуқурлиги 300 м гача, ўртача қалинлиги 3,5 м. Уларнинг ётиш қиялиги 10—30°. Сухар тоғининг асосини ташкил қилувчи брахиантиклиналнинг шарқий қанотида ривожланган синиқлар билан боғлиқ. Шакли линзасимон ва томирсимон. Олтин рудасининг асосий уюмлари кварцслюдали сланецлар остида ривожланган кварцли брекчияларда учрайди. Бу руда таналарининг (олтиннинг ўртача микдори 9,3— 26,3 г/т гача) шакли кичик уячасимон бўлиб, олтин руда танасида нотекис таркалган. Коннинг генезиси — гидротермалметасоматик; олтин асосан, арсенопирит, пирит ҳамда пирротинлар билан боғлиқ; улардан ташқари антимонит, сфалерит, киноварь минераллари, хира рудалар ҳам учрайди. Кон 1950-й. лар охиридан бошлаб ўзлаштирилмоқда.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.