Texnogen san'at
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 347–348-b. — ziyouz.com
Texnogen san'at - 19-a. oxiri — 20-a. san'atida ilmfan va texnika (fotografiya, elektr, elektronika, mikrotexnologiya va b.) rivoji natijasida qaror topgan yangi yönaliş. T. s. badiiy ijodning boşqa şakllarida qöllaniladigan vositalar (rang, kompozitsiya, dramaturgiya va b.) bilan birga yangi (rakurs, montaj, ovoz yoziş, yangi ovoz va ranglarni yaratiş kabi) texnik imkoniyatlardan unumli foydalaniş hisobiga muayyan ifodaviy natijalarga erişib, ularni ommaviy aloqa vositalari (media şakllari — bosma naşr, radio, grammyozuv, televideniye va b.) yordamida köpaytiradi va tarkatadi. T. s. tizimida sintetik (qorişma) badiiy şakllar (foto san'ati, kino, televideniye, elektron musiqa, lazer musiqasi, kompyuter grafikasi, WEBdizayn va b.) yuzaga keldi. Mazkur jarayonda yangi ijod şakllari va ixtisosliklar (kinooperatorlik, ovoz rejissurasi va b.), maxsus jihozlangan studiyalar (fotostudiya, kinostudiya, musiqiy studiya, ovoz yoziş studiyasi, vebdizayn studiyasi va b.), fanning yangi yönalişlari (psixoakustika, kompyuter musiqasi texnologiyasi kabi) rivoj topdi. Özbekistonda T. s. rivojiga katta ahamiyat berilib, T. s. yönalişlari davlat (oliy va örta maxsus) ta'lim tizimiga kiritilgan.
Olimjon Bekov, Farida Sabitova.
Asl matn (kirill, PDF'dagidek)
ТЕХНОГЕН САНЪАТ - 19-а. охири — 20-а. санъатида илмфан ва техника (фотография, электр, электроника, микротехнология ва б.) ривожи натижасида қарор топган янги йўналиш. Т. с. бадиий ижоднинг бошқа шаклларида қўлланиладиган воситалар (ранг, композиция, драматургия ва б.) билан бирга янги (ракурс, монтаж, овоз ёзиш, янги овоз ва рангларни яратиш каби) техник имкониятлардан унумли фойдаланиш ҳисобига муайян ифодавий натижаларга эришиб, уларни оммавий алоқа воситалари (медиа шакллари — босма нашр, радио, граммёзув, телевидение ва б.) ёрдамида кўпайтиради ва таркатади. Т. с. тизимида синтетик (қоришма) бадиий шакллар (фото санъати, кино, телевидение, электрон мусиқа, лазер мусиқаси, компьютер графикаси, WEBдизайн ва б.) юзага келди. Мазкур жараёнда янги ижод шакллари ва ихтисосликлар (кинооператорлик, овоз режиссураси ва б.), махсус жиҳозланган студиялар (фотостудия, киностудия, мусиқий студия, овоз ёзиш студияси, вебдизайн студияси ва б.), фаннинг янги йўналишлари (психоакустика, компьютер мусиқаси технологияси каби) ривож топди. Ўзбекистонда Т. с. ривожига катта аҳамият берилиб, Т. с. йўналишлари давлат (олий ва ўрта махсус) таълим тизимига киритилган.
Олимжон Беков, Фарида Сабитова.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.