Texnokratiya
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 348-b. — ziyouz.com
Texnokratiya (yun. techne san'at, hunar, mahorat va ...kratiya) — 1) ijtimoiy tafakkurdagi oqim, unga köra, jamiyat butunlay ilmiy-texnika tafakkuri prinsiplari bilan boşqarilişi mumkin; texniklar, muhandislar va olimlar (texnokratlar) ilmiy-texnika tafakkurining namoyandalari bölib, korxonalar va umuman jamiyatdagi barça hokimiyat tadbirkorlar va siyosatçilardan ularga utişi kerak. Texnokratik konsepsiyalar hoz. ijtimoiy işlab çiqariş.da fan va mutaxassislar mavqeining oşib borayotganligini aks ettiradi. T.ning barça körinişlariga xos bölgan belgi ijtimoiy jarayonlarni texnika va b. tor ixtisoslaşgan mezonlar asosida boşqarişga e'tiborni kuçaytirib, siyosatning qadriyatlietik ölçovlariga kam ahamiyat berişdir; 2) monopoliyalaştirilgan işlab çiqariş. va davlat apparatining yuqori mulozimlari — mutaxassislar qatlamini bildiradi; 3) 20-a. ning 30-y.larida AQŞda vujudga kelgan ijtimoiy harakat. U milliy miqyosda işlab çiqariş.ni ilmiy rejalaştiriş natijasida sanoat töntarişi yordami bilan umumiy farovonlikka erişişni maqsad qilib qöygan (rahbarlari G. Loeb, G. Skot). Harakat 40-y.lar boşida barbod bölgan.
Asl matn (kirill, PDF'dagidek)
ТЕХНОКРАТИЯ (юн. techne санъат, ҳунар, маҳорат ва ...кратия) — 1) ижтимоий тафаккурдаги оқим, унга кўра, жамият бутунлай илмий-техника тафаккури принциплари билан бошқарилиши мумкин; техниклар, муҳандислар ва олимлар (технократлар) илмий-техника тафаккурининг намояндалари бўлиб, корхоналар ва умуман жамиятдаги барча ҳокимият тадбиркорлар ва сиёсатчилардан уларга утиши керак. Технократик концепциялар ҳоз. ижтимоий ишлаб чиқариш.да фан ва мутахассислар мавқеининг ошиб бораётганлигини акс эттиради. Т.нинг барча кўринишларига хос бўлган белги ижтимоий жараёнларни техника ва б. тор ихтисослашган мезонлар асосида бошқаришга эътиборни кучайтириб, сиёсатнинг қадриятлиэтик ўлчовларига кам аҳамият беришдир; 2) монополиялаштирилган ишлаб чиқариш. ва давлат аппаратининг юқори мулозимлари — мутахассислар қатламини билдиради; 3) 20-а. нинг 30-й.ларида АҚШда вужудга келган ижтимоий ҳаракат. У миллий миқёсда ишлаб чиқариш.ни илмий режалаштириш натижасида саноат тўнтариши ёрдами билан умумий фаровонликка эришишни мақсад қилиб қўйган (раҳбарлари Г. Лоэб, Г. Скот). Ҳаракат 40-й.лар бошида барбод бўлган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.