Tez aytiş

Tez aytiş — özbek xalq oğzaki ijodining bir turi. T.a.da yanglişib ketiş mumkin bölgan qofiyadoş sözlardan tuzilgan jumlalar qöllanadi. Unda muayyan tovuşlar, ayniqsa, jarangli undoşlar takrorlanadi va sözlar ritm, urğular bilan tez aytiladi. Mas., Beş mis barkaş, beş mis barkaşning içida beş ming mis barkaş. T.a.da har bir tovuş öz örnida töğri, ravon talaffuz etilişi şart. Tovuşlar talaffuzida yanglişgan tomon (kişi) yengilgan hisoblanadi. Ötmişda katta yoşdagi odamlar ham ötirişlarda, töylarda T.a.da musobaqalaşib, madaniy hordiq olganlar. Keyinçalik, asosan, bolalar repertuariga aylangan. T.a.lar bolalarning fikrlaş qobiliyatini, söz boyligini oşirişga va nutqining ravon bölişiga xizmat qiladi.