Tintuv
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 399–400-b. — ziyouz.com
Tintuv — jinoiy iş böyiça dalillarni olişga qaratilgan tergov x.arakati. Özbekiston Respublikasi JPKning 158moddasiga köra, suriştiruvçi va tergovçi biror turar joy, xizmat, işlab çiqariş. binosida yoki özga joyda yoxud biror şaxsda iş uçun ahamiyatli bölgan narsa yoki hujjatlar bor deb öylaş uçun yetarli ma'lumotga ega bölgan taqdirda T. ötkazişga haqlidir. T. qidirilayotgan şaxsni, şuningdek, murdani topiş uçun ham ötkazilişi mumkin.
T. suriştiruvçi yoki tergovçining asoslantirilgan qaroriga binoan, prokurorning sanksiyasi bilan ötkaziladi. Keçiktirib bölmaydigan hollarda T. prokurorning sanksiyasisiz ötkazilişi mumkin. Lekin bunday holda keyinçalik şu ötkazilgan T. haqida 24 soat içida prokurorga xabar qilinadi. T. ötkazilayotganda xolislar iştirok etişi şart. T. umumiy va şaxsiy böladi. Umu mi y T. obyektiga bino, hovli va oçiq joylar, şaxsiy T. obyektiga fukarolar kiradi. Şaxsiy T. va olib qöyiş quyidagi hollarda alohida qaror yoki ajrim çiqarilmasdan ötkazilişi mumkin: jamoat tartibini saklaşga doir burçini bajarayotgan militsiya xodimi tomonidan gumon qilinuvçini uşlaş çoğida uşlanuvçining yonida qurol borligiga yoxud jinoyat sodir etganligini foş qiladigan dalillardan qutulmoqçi ekanligiga yetarli asoslar bölganda; gumon qilinuvçi militsiya yoki ququqni muhofaza qiluvçi boşqa organga olib kelinib, qonunga asosan uni uşlaş xaqida bayonnoma tuzilganda; ayblanuvçiga nisbatan qamoqsa saqlaş tarzidagi ehtiyot çorasi qöllanilayotganida, başarti uning yonida qurol, şuningdek, saqlanişi man etilgan buyumlar yoxud iş uçun ahamiyatga molik narsa va hujjatlar bölişi mumkin deb öylaşga yetarli asoslar bölganida; olib qöyiş yoki T. ötkazilayotgan binoda yoki boşqa joyda turgan şaxs olib qöyiş va T. ötkaziş haqidagi qarorga yoki ajrimga köra olinişi zarur bölgan narsa yoki hujjatlarni öz yonida yaşirinça saklamoqda deb öylaş uçun yetarli asoslar bölganida. Şaxsiy T. tintilayotgan şaxs bilan bir jinsdagi suriştiruvçi yoki tergovçi tomonidan mutaxassis hamda xolislar iştirokida ötkazilişi mumkin. T. natijasida qölga kiritilgan narsa va xujjatlar T.da iştirok etayotgan şaxslarga körsatiladi, bayonnomada töliq aks ettiriladi. Bayonnomaning nusxasi tintilgan şaxsga yoki uning voyaga yetgan oila a'zolariga, ular bölmagan taqdirda esa, tegişli hokimlik yoxud fuqarolarning özini özi boşqariş organi vakiliga topşirilib, tilxat olinadi. Zarur hollarda olib qöyilayotgan hujjatlarning nusxalari beriladi.
Mirzayusuf Rustamboyev.
Asl matn (kirill, PDF'dagidek)
ТИНТУВ — жиноий иш бўйича далилларни олишга қаратилган тергов х.аракати. Ўзбекистон Республикаси ЖПКнинг 158моддасига кўра, суриштирувчи ва терговчи бирор турар жой, хизмат, ишлаб чиқариш. биносида ёки ўзга жойда ёхуд бирор шахсда иш учун аҳамиятли бўлган нарса ёки ҳужжатлар бор деб ўйлаш учун етарли маълумотга эга бўлган тақдирда Т. ўтказишга ҳақлидир. Т. қидирилаётган шахсни, шунингдек, мурдани топиш учун ҳам ўтказилиши мумкин.
Т. суриштирувчи ёки терговчининг асослантирилган қарорига биноан, прокурорнинг санкцияси билан ўтказилади. Кечиктириб бўлмайдиган ҳолларда Т. прокурорнинг санкциясисиз ўтказилиши мумкин. Лекин бундай ҳолда кейинчалик шу ўтказилган Т. ҳақида 24 соат ичида прокурорга хабар қилинади. Т. ўтказилаётганда холислар иштирок этиши шарт. Т. умумий ва шахсий бўлади. Уму ми й Т. объектига бино, ҳовли ва очиқ жойлар, шахсий Т. объектига фукаролар киради. Шахсий Т. ва олиб қўйиш қуйидаги ҳолларда алоҳида қарор ёки ажрим чиқарилмасдан ўтказилиши мумкин: жамоат тартибини саклашга доир бурчини бажараётган милиция ходими томонидан гумон қилинувчини ушлаш чоғида ушланувчининг ёнида қурол борлигига ёхуд жиноят содир этганлигини фош қиладиган далиллардан қутулмоқчи эканлигига етарли асослар бўлганда; гумон қилинувчи милиция ёки қуқуқни муҳофаза қилувчи бошқа органга олиб келиниб, қонунга асосан уни ушлаш хақида баённома тузилганда; айбланувчига нисбатан қамоқца сақлаш тарзидаги эҳтиёт чораси қўлланилаётганида, башарти унинг ёнида қурол, шунингдек, сақланиши ман этилган буюмлар ёхуд иш учун аҳамиятга молик нарса ва ҳужжатлар бўлиши мумкин деб ўйлашга етарли асослар бўлганида; олиб қўйиш ёки Т. ўтказилаётган бинода ёки бошқа жойда турган шахс олиб қўйиш ва Т. ўтказиш ҳақидаги қарорга ёки ажримга кўра олиниши зарур бўлган нарса ёки ҳужжатларни ўз ёнида яширинча сакламоқда деб ўйлаш учун етарли асослар бўлганида. Шахсий Т. тинтилаётган шахс билан бир жинсдаги суриштирувчи ёки терговчи томонидан мутахассис ҳамда холислар иштирокида ўтказилиши мумкин. Т. натижасида қўлга киритилган нарса ва хужжатлар Т.да иштирок этаётган шахсларга кўрсатилади, баённомада тўлиқ акс эттирилади. Баённоманинг нусхаси тинтилган шахсга ёки унинг вояга етган оила аъзоларига, улар бўлмаган тақдирда эса, тегишли ҳокимлик ёхуд фуқароларнинг ўзини ўзи бошқариш органи вакилига топширилиб, тилхат олинади. Зарур ҳолларда олиб қўйилаётган ҳужжатларнинг нусхалари берилади.
Мирзаюсуф Рустамбоев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.