Tireotrop gormon
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 410-b. — ziyouz.com
Tireotrop gormon TIREOTROP GORMON, TTG, tirotropin, tireostimullovçi gormon — odam va umurtqali hayvonlar gipofiz bezining oldingi bölagida işlanadigan gormon. Qalqonsimon bez faoliyatini boşqaradi; uning asosiy gormonlari — tiroksin va triyodtironin ajralişi hamda sinteziga ta'sir etadi. Kimyoviy tabiatiga köra, glikoproteid, mol. m. 28000—30000. T.g. qalqonsimon bez follikulalarida tireoglobulin parçalanişini hamda krnga tiroksin va triyodtironin ajralişini kuçaytiradi. Follikulyar hujayralar köpayişiga, yod yutilişi va tiroksin sinteziga ta'sir etadi. T.g. sintezi va sekretsiyasini markaziy nerv sistemasi xamda gipotalamus boşqaradi. Qonda tireoid gormonlar miqdori oşganda T.g. sekretsiyasi tormozlanadi, natijada tiroksin va triyodtironin kam ajraladi. Adrenalin va kortikosteroidlar T.g. sekretsiyasini kamaytiradi.
Asl matn (kirill, PDF'dagidek)
ТИРЕОТРОП ГОРМОН, ТТГ, тиротропин, тиреостимулловчи гормон — одам ва умуртқали ҳайвонлар гипофиз безининг олдинги бўлагида ишланадиган гормон. Қалқонсимон без фаолиятини бошқаради; унинг асосий гормонлари — тироксин ва трийодтиронин ажралиши ҳамда синтезига таъсир этади. Кимёвий табиатига кўра, гликопротеид, мол. м. 28000—30000. Т.г. қалқонсимон без фолликулаларида тиреоглобулин парчаланишини ҳамда крнга тироксин ва трийодтиронин ажралишини кучайтиради. Фолликуляр ҳужайралар кўпайишига, йод ютилиши ва тироксин синтезига таъсир этади. Т.г. синтези ва секрециясини марказий нерв системаси хамда гипоталамус бошқаради. Қонда тиреоид гормонлар миқдори ошганда Т.г. секрецияси тормозланади, натижада тироксин ва трийодтиронин кам ажралади. Адреналин ва кортикостероидлар Т.г. секрециясини камайтиради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.