Titiş maşinasi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 419-b. — ziyouz.com
Titiş maşinasi (töqimaçilikda) — paxta, jun, kanop, ziğir va b. tolalarni yigirişga tayyorlaş maqsadida xasçöp va nuqsonli tolalardan tozalaş va yoyib yumşatiş qurilmasi. Yigiruvçilik va tolali materiallarga dastlabki işlov berişdagi texnologik qurilmalardan biri. Mas., paxta tolasini titiş uçun möljallangan T.m. ta'minlaş bunkeri, valik (jöva) lar, titiş organi (qoziqli baraban), panjara (kolosnik), ventilyator, törli barabanlar, titkiçsavagiçdan iborat. Titiladigan tolalar uyumi ta'minlaş bunkeriga solinadi, valiklar va ta'minlaş silindrlari ularni qozikli barabanga bir xil qalinlikda uzatib turadi. Baraban aylanganda qoziklari tolalarni titadi, şunda xasçöp va nuqsonli tolalar asosiy massadan ajralib, kolosnik orqali çiqindilar kamerasiga tuşadi. Ventilyator hosil qiladigan kuçli havo oqimi titilgan va tozalangan tolalarni törli barabanlarga uzatadi. Bu yerdan tolalar qatlami titkiçsavagiçga ötadi. Bu yerda yana titilib va tozalanib, navbatdagi maşina (yigiriş maşinasi)ga uzatiladi. T.m.ning iş sur'ati tolalar uzunligi birligiga yoki tolalar massasi qatlamiga töğri keladigan zarblar bilan belgilanadi.
Asl matn (kirill, PDF'dagidek)
ТИТИШ МАШИНАСИ (тўқимачиликда) — пахта, жун, каноп, зиғир ва б. толаларни йигиришга тайёрлаш мақсадида хасчўп ва нуқсонли толалардан тозалаш ва ёйиб юмшатиш қурилмаси. Йигирувчилик ва толали материалларга дастлабки ишлов беришдаги технологик қурилмалардан бири. Мас., пахта толасини титиш учун мўлжалланган Т.м. таъминлаш бункери, валик (жўва) лар, титиш органи (қозиқли барабан), панжара (колосник), вентилятор, тўрли барабанлар, титкичсавагичдан иборат. Титиладиган толалар уюми таъминлаш бункерига солинади, валиклар ва таъминлаш цилиндрлари уларни қозикли барабанга бир хил қалинликда узатиб туради. Барабан айланганда қозиклари толаларни титади, шунда хасчўп ва нуқсонли толалар асосий массадан ажралиб, колосник орқали чиқиндилар камерасига тушади. Вентилятор ҳосил қиладиган кучли ҳаво оқими титилган ва тозаланган толаларни тўрли барабанларга узатади. Бу ердан толалар қатлами титкичсавагичга ўтади. Бу ерда яна титилиб ва тозаланиб, навбатдаги машина (йигириш машинаси)га узатилади. Т.м.нинг иш суръати толалар узунлиги бирлигига ёки толалар массаси қатламига тўғри келадиган зарблар билан белгиланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.