Töğaloq Mulda
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 864-b. — ziyouz.com
Töğaloq Mulda (taxallusi; asl ismşarifi Boyimbet Abdurahmonov) (1860.10.6 — hoz. Qirğizistonning Oqtol tumani — 1942.4.1) — qirğiz şoiri, oqin. Qirğiz folklori bilimdoni, «Manas» eposini aytuvçilardan. Madrasada öqigan. 14 yoşida şe'r yoza boşlagan. U «Dehqon ayolining yiğisi», «Temirçi ayoli yiğisi», «Yoş erga berilgan qiz xasrati», «Çolga erga berilgan qiz hasrati» kabi şikoyatqöşiqlar, «Hojining kirdikorlari», «Salla öragan qöy» kabi hajviy şe'rlar, «Turna va tulki», «Bulbul va eşak» kabi masallar yozgan. «Kemçontoy», «Bobirxonlar» (1900), «Quşlar hangomasi» (1908), «Ozodlik» (1919 — 23), «Nasihat» (1925) kabi dostonlar, «Ertaklar» (1939) töplamini naşr ettirgan. «Şe'rlar va dostonlar» (1947), «Tanlangan şe'rlar» (1951), «Yer va uning bolalari» (1952) va 2 jildli «Tanlangan asarlar» (1954 —56) muallifi. Navoiy, Furqat, Muqimiy, Zavqiy ijodi T.M. ijodiga katta ta'sir etgan. Ayrim asarlari özbek tiliga tarjima qilingan.
Asl matn (kirill, PDF'dagidek)
ТЎҒАЛОҚ МУЛДА (тахаллуси; асл исмшарифи Бойимбет Абдураҳмонов) (1860.10.6 — ҳоз. Қирғизистоннинг Оқтол тумани — 1942.4.1) — қирғиз шоири, оқин. Қирғиз фольклори билимдони, «Манас» эпосини айтувчилардан. Мадрасада ўқиган. 14 ёшида шеър ёза бошлаган. У «Деҳқон аёлининг йиғиси», «Темирчи аёли йиғиси», «Ёш эрга берилган қиз хасрати», «Чолга эрга берилган қиз ҳасрати» каби шикоятқўшиқлар, «Ҳожининг кирдикорлари», «Салла ўраган қўй» каби ҳажвий шеърлар, «Турна ва тулки», «Булбул ва эшак» каби масаллар ёзган. «Кемчонтой», «Бобирхонлар» (1900), «Қушлар ҳангомаси» (1908), «Озодлик» (1919 — 23), «Насиҳат» (1925) каби достонлар, «Эртаклар» (1939) тўпламини нашр эттирган. «Шеърлар ва достонлар» (1947), «Танланган шеърлар» (1951), «Ер ва унинг болалари» (1952) ва 2 жилдли «Танланган асарлар» (1954 —56) муаллифи. Навоий, Фурқат, Муқимий, Завқий ижоди Т.М. ижодига катта таъсир этган. Айрим асарлари ўзбек тилига таржима қилинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.