Topşiriq şartnomasi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 502–503-b. — ziyouz.com
Topşiriq şartnomasi – fuqarolik-huquqiy şartnoma turlaridan biri. Unga köra, bir taraf (vakil) 2taraf (topşiriq beruvçi)ning nomidan va uning hisobidan muayyan harakatlarni sodir etiş majburiyatini oladi. Binobarin, vakil tuzgan bitim böyiça huquq va majburiyatlar bevosita topşiriq beruvçvda vujudga keladi. T.ş. yozma şaklda tuziladi. Agar qonun hujjatlarida yoki şartnomaning özida nazarda tutilgan bölsa, topşiriq beruvçi işonçli vakilga haq tölaşi şart. T.ş. ikkala taraf yoki ulardan birining tadbirkorlik faoliyatini amalga oşirişi bilan boğliq bölsa, topşiriq beruvçi, agar şartnomada boşqaça holat belgilanmagan bölsa, işonçdi vakilga haq tölaşi şart. Vakil öziga berilgan topşiriqni topşiriq beruvçi körsatmalariga muvofiq bajarişi kerak. Işning holatlariga köra, topşiriq beruvçining manfaatlari uçun uning körsatmalaridan çetga çikiş zarur bölsa, vakil bu haqda topşiriq beruvçidan oldindan söray olmagan, öz söroviga oqilona muddatda javob olmagan bölsa, u topşiriq beruvçining körsatmalaridan çetga çiqişga haqli. Bunday hollarda vakil xabar beriş imkon tuğilişi bilanoq yöl qöyilgan çetga çiqişlar haqida topşiriq beruvçiga xabar qilişi şart. Topşiriq beruvçi tijorat vakili sifatida iş olib boradigan vakilga topşiriq beruvçining manfaatlarini közlab oddindan surov yubormagan holda topşiriq beruvçining körsatmalaridan çetga çiqiş huquqini berişi mumkin. Şartnomaning mazmunini taraflarning huquq va majburiyatlari taşkil qiladi. Şartnbmaning huquqiy belgilari 2 tomonlama, konsensual, haq evaziga ham, haqsiz ham bölişi mumkin. T.ş. ning bekor bölişi, T.ş.da huquqiy vorislik va b. masalalar Özbekiston Respublikasining FK da belgilab qöyilgan (817modda).
Ikrom Zokirov.
Asl matn (kirill, PDF'dagidek)
ТОПШИРИҚ ШАРТНОМАСИ – фуқаролик-ҳуқуқий шартнома турларидан бири. Унга кўра, бир тараф (вакил) 2тараф (топшириқ берувчи)нинг номидан ва унинг ҳисобидан муайян ҳаракатларни содир этиш мажбуриятини олади. Бинобарин, вакил тузган битим бўйича ҳуқуқ ва мажбуриятлар бевосита топшириқ берувчвда вужудга келади. Т.ш. ёзма шаклда тузилади. Агар қонун ҳужжатларида ёки шартноманинг ўзида назарда тутилган бўлса, топшириқ берувчи ишончли вакилга ҳақ тўлаши шарт. Т.ш. иккала тараф ёки улардан бирининг тадбиркорлик фаолиятини амалга ошириши билан боғлиқ бўлса, топшириқ берувчи, агар шартномада бошқача ҳолат белгиланмаган бўлса, ишончди вакилга ҳақ тўлаши шарт. Вакил ўзига берилган топшириқни топшириқ берувчи кўрсатмаларига мувофиқ бажариши керак. Ишнинг ҳолатларига кўра, топшириқ берувчининг манфаатлари учун унинг кўрсатмаларидан четга чикиш зарур бўлса, вакил бу ҳақда топшириқ берувчидан олдиндан сўрай олмаган, ўз сўровига оқилона муддатда жавоб олмаган бўлса, у топшириқ берувчининг кўрсатмаларидан четга чиқишга ҳақли. Бундай ҳолларда вакил хабар бериш имкон туғилиши биланоқ йўл қўйилган четга чиқишлар ҳақида топшириқ берувчига хабар қилиши шарт. Топшириқ берувчи тижорат вакили сифатида иш олиб борадиган вакилга топшириқ берувчининг манфаатларини кўзлаб оддиндан суров юбормаган ҳолда топшириқ берувчининг кўрсатмаларидан четга чиқиш ҳуқуқини бериши мумкин. Шартноманинг мазмунини тарафларнинг ҳуқуқ ва мажбуриятлари ташкил қилади. Шартнбманинг ҳуқуқий белгилари 2 томонлама, консенсуал, ҳақ эвазига ҳам, ҳақсиз ҳам бўлиши мумкин. Т.ш. нинг бекор бўлиши, Т.ш.да ҳуқуқий ворислик ва б. масалалар Ўзбекистон Республикасининг ФК да белгилаб қўйилган (817модда).
Икром Зокиров.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.