Töqtağul suv ombori
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 861-b. — ziyouz.com
Töqtağul suv ombori - Norin daryosining quyi oqimida, Çatqol va Farğona toğ tizmalari orasidagi darada (Qirğiziston Respublikasi) barpo etilgan. 1978 y. işga tuşirilgan, umumiy hajmi 19,5 km3, foydali hajmi 14,0 km1. Suv ombori suğoriladigan yerlar kölamini 400 ming gektarga köpaytiriş va 900 ming ga ekinzorning suv ta'minotini yaxşilaşga, Norin daryosining köp yillik oqimini boşkariş, suv xöjaligi va suvenergetika vazifalarini hal etişga xizmat qiladi. Quvvati 1200 MVt bölgan Töxtağul GES ning işlaşini ta'minlaydi.
Gidrouzel quyidagi inşootlardan iborat: beton töğon, GES, zovurlar hamda filtratsiyaga qarşi vositalar, yordamçi inşootlar, töğonni mustahkamlovçi va boşqa yer osti inşootlari majmuasi. Murakkab topografik, geologik va gidrogeologik şaroitda amalga oşirilgan töğon qurilişida jahon amaliyotida birinçi marta bir qança yangi texnologiyalar qöllangan.
Asl matn (kirill, PDF'dagidek)
ТЎҚТАҒУЛ СУВ ОМБОРИ - Норин дарёсининг қуйи оқимида, Чатқол ва Фарғона тоғ тизмалари орасидаги дарада (Қирғизистон Республикаси) барпо этилган. 1978 й. ишга туширилган, умумий ҳажми 19,5 км3, фойдали ҳажми 14,0 км1. Сув омбори суғориладиган ерлар кўламини 400 минг гектарга кўпайтириш ва 900 минг га экинзорнинг сув таъминотини яхшилашга, Норин дарёсининг кўп йиллик оқимини бошкариш, сув хўжалиги ва сувэнергетика вазифаларини ҳал этишга хизмат қилади. Қуввати 1200 МВт бўлган Тўхтағул ГЭС нинг ишлашини таъминлайди.
Гидроузел қуйидаги иншоотлардан иборат: бетон тўғон, ГЭС, зовурлар ҳамда фильтрацияга қарши воситалар, ёрдамчи иншоотлар, тўғонни мустаҳкамловчи ва бошқа ер ости иншоотлари мажмуаси. Мураккаб топографик, геологик ва гидрогеологик шароитда амалга оширилган тўғон қурилишида жаҳон амалиётида биринчи марта бир қанча янги технологиялар қўлланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.