Toşkent-Duşanba avtomobil yöli
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 582-b. — ziyouz.com
Toşkent-Duşanba avtomobil yöli (M34) — xalqaro ahamiyatli magistral yöl, Toşkent ş.ni qöşni Tojikistonning poytaxti Duşanba ş. bilan boğlaydi. Yölning ötmiş tarixi bundan 5000 yillar avvalgi karvon yöllardan boşlanadi. 20-a. ning 30—40-y.larida yöldan foydalaniş xizmati taşkil qilinib, avtomobil yöliga aylantirilgan.
Umumiy uz. 457 km. Şundan 170 km Uzbekistan, 287 km Tojikiston hududidan ötadi. Yöl Toşkent ş.dan boşlanib, Toşkent viloyatining Zangiota, Yangiyöl, Çinoz tumanlari, Sirdaryo viloyatining Sirdaryo, Mirzaobod, Xovos tumanlari, Jizzax viloyatining Yangiobod tumani orqali ötadi va Tojikistonning Suğd viloyatida Zafarobod, Öratepa, Şahriston tuman markazlari orqali Turkiston toğ tizmasidan Şahriston dovoni (3378 m.), Zarafşon toğ tizmasidan Anzob, dovoni (3372 m; dovonda «Uştur» tunneli qurilmoqda), Hisor toğ tizmalaridan ötib Varzob ş. orqali Duşanbaga kirib boradi. Yöl ÖzR hududida, asosan I—II toifali, asfaltbetonli, Zafarobod — Şahriston, Varzob — Duşanba oraliklarida qattiq asfaltbeton töşamali, II—III toifali. Yölning 200 km dan ortiqroq bölgan toğ va dovonlardan ötadigan Şaxriston — Varzob oraliğidagi kismi qora şağal töşamali, IV—V toifali.
Özbekiston hududida yil davomidagi örtaça kunlik transport qatnovi jadalligi 7000—15000 avtomobil/kunni, Tojikiston hududida 1000 —7000 avtomobil/kunni taşkil qiladi (2004).
Tohirjon Mirzayev.
Asl matn (kirill, PDF'dagidek)
ТОШКЕНТ-ДУШАНБА АВТОМОБИЛЬ ЙЎЛИ (М34) — халқаро аҳамиятли магистрал йўл, Тошкент ш.ни қўшни Тожикистоннинг пойтахти Душанба ш. билан боғлайди. Йўлнинг ўтмиш тарихи бундан 5000 йиллар аввалги карвон йўллардан бошланади. 20-а. нинг 30—40-й.ларида йўлдан фойдаланиш хизмати ташкил қилиниб, автомобиль йўлига айлантирилган.
Умумий уз. 457 км. Шундан 170 км Узбекистан, 287 км Тожикистон ҳудудидан ўтади. Йўл Тошкент ш.дан бошланиб, Тошкент вилоятининг Зангиота, Янгийўл, Чиноз туманлари, Сирдарё вилоятининг Сирдарё, Мирзаобод, Ховос туманлари, Жиззах вилоятининг Янгиобод тумани орқали ўтади ва Тожикистоннинг Суғд вилоятида Зафаробод, Ўратепа, Шаҳристон туман марказлари орқали Туркистон тоғ тизмасидан Шаҳристон довони (3378 м.), Зарафшон тоғ тизмасидан Анзоб, довони (3372 м; довонда «Уштур» туннели қурилмоқда), Ҳисор тоғ тизмаларидан ўтиб Варзоб ш. орқали Душанбага кириб боради. Йўл ЎзР ҳудудида, асосан I—II тоифали, асфальтбетонли, Зафаробод — Шаҳристон, Варзоб — Душанба ораликларида қаттиқ асфальтбетон тўшамали, II—III тоифали. Йўлнинг 200 км дан ортиқроқ бўлган тоғ ва довонлардан ўтадиган Шахристон — Варзоб оралиғидаги кисми қора шағал тўшамали, IV—V тоифали.
Ўзбекистон ҳудудида йил давомидаги ўртача кунлик транспорт қатнови жадаллиги 7000—15000 автомобиль/кунни, Тожикистон ҳудудида 1000 —7000 автомобиль/кунни ташкил қилади (2004).
Тоҳиржон Мирзаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.