Toşkent yuridik instituti
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 578–579-b. — ziyouz.com
Toşkent yuridik instituti — xalq xöjaligining barça sohalari uçun yuristhuquqşunoslar tayyorlovçi oliy öquv yurti. Toşkent unti yuridik fti negizida 1991 y. taşkil topgan. Özbekiston Respublikasi Adliya vazirligi tasarrufida. Öquv jarayoni 2 bosqiç: bakalavriat va magistratura bosqiçlarida amalga oşiriladi. Intda 3 ta xuquq va ikkinçi mutaxassislik fti hamda magistratura markazi, 12 ta maxsus kafedra, 9 ta ijtimoiy kafedra bor. 3370 talaba öqiydi. 200 dan ortiq prof. öqituvçilar faoliyat körsatadi (2004). Intda demokratik, huquqiy davlatni barpo etiş, bozor iqtisodiyoti munosabatlarini rivojlantiriş, qonunçilik va huquqiy tartibotni mustahkamlaş, aholi huquqiy madaniyatini oşiriş, huquqiy tarğibotni kuçaytirişni közda tutgan muammolarga oid tadqiqotlar olib boriladi. Yuridik fanlari dri va nomzodi ilmiy darajasini himoya qiliş böyiça ixtisoslaşgan kengaş faoliyat körsatadi. 300 ming asarga ega bölgan asosiy kutubxona, 2 mingdan ortiq kitob jamlangan huquqiy axborot xonasi bor. Inson huquqlari va huquqiy yordam körsatiş klinikalari taşkil etilgan, ular aholiga bepul xizmat qiladi. Bu klinikalarda 60 dan ortiq talaba, öqituvçi, amaliyotçi faoliyat olib boradi. Klinika a'zolari Polşa, Vengriya, Rossiya va b. davlatlardagi yuridik klinikalarda malaka oşiradilar.
Intda «Davlat va huquq», «Özbekiston qonunçiligi tahlili» yuridik jurnalilari va «Xuquqiy ma'rifat» gaz. çop etiladi. 1999 y.da int qoşida akademik litsey taşkil qilingan.
Asl matn (kirill, PDF'dagidek)
ТОШКЕНТ ЮРИДИК ИНСТИТУТИ — халқ хўжалигининг барча соҳалари учун юристҳуқуқшунослар тайёрловчи олий ўқув юрти. Тошкент унти юридик фти негизида 1991 й. ташкил топган. Ўзбекистон Республикаси Адлия вазирлиги тасарруфида. Ўқув жараёни 2 босқич: бакалавриат ва магистратура босқичларида амалга оширилади. Интда 3 та хуқуқ ва иккинчи мутахассислик фти ҳамда магистратура маркази, 12 та махсус кафедра, 9 та ижтимоий кафедра бор. 3370 талаба ўқийди. 200 дан ортиқ проф. ўқитувчилар фаолият кўрсатади (2004). Интда демократик, ҳуқуқий давлатни барпо этиш, бозор иқтисодиёти муносабатларини ривожлантириш, қонунчилик ва ҳуқуқий тартиботни мустаҳкамлаш, аҳоли ҳуқуқий маданиятини ошириш, ҳуқуқий тарғиботни кучайтиришни кўзда тутган муаммоларга оид тадқиқотлар олиб борилади. Юридик фанлари дри ва номзоди илмий даражасини ҳимоя қилиш бўйича ихтисослашган кенгаш фаолият кўрсатади. 300 минг асарга эга бўлган асосий кутубхона, 2 мингдан ортиқ китоб жамланган ҳуқуқий ахборот хонаси бор. Инсон ҳуқуқлари ва ҳуқуқий ёрдам кўрсатиш клиникалари ташкил этилган, улар аҳолига бепул хизмат қилади. Бу клиникаларда 60 дан ортиқ талаба, ўқитувчи, амалиётчи фаолият олиб боради. Клиника аъзолари Польша, Венгрия, Россия ва б. давлатлардаги юридик клиникаларда малака оширадилар.
Интда «Давлат ва ҳуқуқ», «Ўзбекистон қонунчилиги таҳлили» юридик журналилари ва «Хуқуқий маърифат» газ. чоп этилади. 1999 й.да инт қошида академик лицей ташкил қилинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.