Toşquduq Gaz Koni Buxoro viloyati Romitan tumanida
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 593–594-b. — ziyouz.com
Toşquduq Gaz Koni Buxoro viloyati Romitan tumanida TOŞQUDUQ GAZ KONI Buxoro viloyati Romitan tumanida, Buxoro ş.dan 100—110 km şim.garbda joylaşgan. Kon 1972 y.da oçilgan va 1975 y.da işga tuşirilgan. Toşquduq strukturasi Gazli kötarilmasining jan.ğarbiy qismida bölib, kenglik böyiça çözilgan yirik braxiantiklinal burmadan iborat. Yuqori bör davrining senon yarusi yotqiziqlari şipi böyiça Toşquduq braxiantiklinali uçta yer yoriklari bilan murakkablaşgan. Paleozoy, mezozoy va kaynozoy yotqiziqlarida ja'mi 11 razvedka quduği oçilgan. Gaz, asosan, bör davrining yotqiziklarida uçraydi. Sanoat miqyosidagi gaz 7 va 9gorizontlar bilan boğliq. 7gorizont senon yarusi yotqiziqlarida ajratilgan bölib alevrolit va gil bilan qavatlangan mayda zarrali qumtoşlardan iborat. Uyum qatlami gumbazli tipga mansub, gaz suvga tiralib turadi. Uyum ölçami 7,5x1,5 km, bal. 30 m, gazlilik maydoni 13,9 km2. 9gorizont senoman yarusining yuqori qismidagi mayda zarrali qumtoşlarda, 530—703 m çuqurliqda oçilgan. Gorizontning umumiy qalinligi 122—153 m, uyum katlamli, gumbazli tipga mansub bölib burmaning eng kötarilgan qismida namoyonlanadi, gaz suvga tiralib turadi. Uyum ölçami 11,5x3,5 km, bal. 45. Gazlilik maydoni 30 km2 ga yaqin. Kondan foydalanilmoqda.
Asl matn (kirill, PDF'dagidek)
ТОШҚУДУҚ ГАЗ КОНИ Бухоро вилояти Ромитан туманида, Бухоро ш.дан 100—110 км шим.гарбда жойлашган. Кон 1972 й.да очилган ва 1975 й.да ишга туширилган. Тошқудуқ структураси Газли кўтарилмасининг жан.ғарбий қисмида бўлиб, кенглик бўйича чўзилган йирик брахиантиклиналь бурмадан иборат. Юқори бўр даврининг сенон яруси ётқизиқлари шипи бўйича Тошқудуқ брахиантиклинали учта ер ёриклари билан мураккаблашган. Палеозой, мезозой ва кайнозой ётқизиқларида жаъми 11 разведка қудуғи очилган. Газ, асосан, бўр даврининг ётқизикларида учрайди. Саноат миқёсидаги газ 7 ва 9горизонтлар билан боғлиқ. 7горизонт сенон яруси ётқизиқларида ажратилган бўлиб алевролит ва гил билан қаватланган майда заррали қумтошлардан иборат. Уюм қатлами гумбазли типга мансуб, газ сувга тиралиб туради. Уюм ўлчами 7,5x1,5 км, бал. 30 м, газлилик майдони 13,9 км2. 9горизонт сеноман ярусининг юқори қисмидаги майда заррали қумтошларда, 530—703 м чуқурлиқда очилган. Горизонтнинг умумий қалинлиги 122—153 м, уюм катламли, гумбазли типга мансуб бўлиб бурманинг энг кўтарилган қисмида намоёнланади, газ сувга тиралиб туради. Уюм ўлчами 11,5x3,5 км, бал. 45. Газлилик майдони 30 км2 га яқин. Кондан фойдаланилмоқда.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.