Tuğilganlik haqida guvohnoma
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 807-b. — ziyouz.com
Tuğilganlik haqida guvohnoma TUĞILGANLIK HAQIDA GUVOHNOMA, metrika — bolaning tuğilganligi, uning otaonasi kim ekanligini tasdiklovçi hujjat. Bolaning tuğilişini qayd etiş majburiy bölib, bola tuğilgan joydagi yoki otaonasidan birining doimiy yaşaş joyidagi Fuqarolik holati dalolatnomalarini yoziş (FHDYO) organida amalga oşirilişi lozim. Tuğilganlik haqidagi ariza bola tuğilgan kundan boşlab 1 oy muddat içida berilişi zarur. Tuğilganlikni qayd etiş uçun: tibbiyot muassasasining bola tuğilganligi töğrisidagi tibbiy ma'lumotnomasi, otaonalarining pasportlari yoki ularning örnini bosuvçi hujjatlar, nikoh tuzilganligi töğrisidagi gerbli guvohnoma yoki otalikni belgilaş haqidagi ariza taqdim etiladi. Tuğilganlik haqida dalolatnoma yozuvi qayd etilgaç, ariza beruvçiga T.h.g. hamda suğurta kassasiga topşiriş uçun ma'lumotnoma beriladi. Egizak (2 va undan ortiq) bolalar tuğilganda ularning har biri uçun tuğilganlik haqida tibbiy ma'lumotnoma taqdim etilişi kerak, ular asosida tuğilganlik haqida alohidaalohida dalolatnoma yozuvlari, ularning har biriga alohida T.h. g. beriladi. Ulik tuğilgan bolaning tuğilganligini, şuningdek, hayotining 1haftasida ölgan (perinatal ölim) bolalarning tuğilganligini va ölimini qayd etiş tibbiy muassasa arizasiga binoan, şu hududdagi FHDYO organida 24 soat içida amalga oşiriladi. Uşbu harakatlar ÖzR Vazirlar Mahkamasining «Özbekiston Respublikasining Oila kodeksini amalga oşiriş uçun zarur bölgan meyoriy hujjatlarni tasdiqlaş töğrisida»gi 171sonli qarori (1999 y. 1 apr.) 1ilovasi bilan tasdiqlangan Fuqarolik holati dalolatnomalarini qayd etiş qoidalari asosida bajariladi.
Şoira Yöldoşeva.
Asl matn (kirill, PDF'dagidek)
ТУҒИЛГАНЛИК ҲАҚИДА ГУВОҲНОМА, метрика — боланинг туғилганлиги, унинг отаонаси ким эканлигини тасдикловчи ҳужжат. Боланинг туғилишини қайд этиш мажбурий бўлиб, бола туғилган жойдаги ёки отаонасидан бирининг доимий яшаш жойидаги Фуқаролик ҳолати далолатномаларини ёзиш (ФҲДЁ) органида амалга оширилиши лозим. Туғилганлик ҳақидаги ариза бола туғилган кундан бошлаб 1 ой муддат ичида берилиши зарур. Туғилганликни қайд этиш учун: тиббиёт муассасасининг бола туғилганлиги тўғрисидаги тиббий маълумотномаси, отаоналарининг паспортлари ёки уларнинг ўрнини босувчи ҳужжатлар, никоҳ тузилганлиги тўғрисидаги гербли гувоҳнома ёки оталикни белгилаш ҳақидаги ариза тақдим этилади. Туғилганлик ҳақида далолатнома ёзуви қайд этилгач, ариза берувчига Т.ҳ.г. ҳамда суғурта кассасига топшириш учун маълумотнома берилади. Эгизак (2 ва ундан ортиқ) болалар туғилганда уларнинг ҳар бири учун туғилганлик ҳақида тиббий маълумотнома тақдим этилиши керак, улар асосида туғилганлик ҳақида алоҳидаалоҳида далолатнома ёзувлари, уларнинг ҳар бирига алоҳида Т.ҳ. г. берилади. Улик туғилган боланинг туғилганлигини, шунингдек, ҳаётининг 1ҳафтасида ўлган (перинатал ўлим) болаларнинг туғилганлигини ва ўлимини қайд этиш тиббий муассаса аризасига биноан, шу ҳудуддаги ФҲДЁ органида 24 соат ичида амалга оширилади. Ушбу ҳаракатлар ЎзР Вазирлар Маҳкамасининг «Ўзбекистон Республикасининг Оила кодексини амалга ошириш учун зарур бўлган меъёрий ҳужжатларни тасдиқлаш тўғрисида»ги 171сонли қарори (1999 й. 1 апр.) 1иловаси билан тасдиқланган Фуқаролик ҳолати далолатномаларини қайд этиш қоидалари асосида бажарилади.
Шоира Йўлдошева.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.