Tuman oğo majmuasi
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 685-b. — ziyouz.com
Tuman oğo majmuasi - Samarqanddagi me'moriy yodgorlik (14— 15-a.lar). Şohizinda ansambli tarkibida. Majmua Amir Temurning xotini Tuman oğo begim nomi bilan boğlangan. T.o.m. maqbara, masjid, hujralar va çortokdan iborat, turli davrlarda bunyod etilgan. Bezaklari 15- a. boşlarida işlanib, uning yaxlitligini ta'minlagan. Maqbara xoçsimon tarhli, moviy gumbazli, poygumbazi baland qilib qurilgan. Izorasi yorqin yaşil rangli, 6 qirrali koşin ğiştlar bilan yakunlangan, tilla halli qilib pardozlangan. Tarzi öyma koşin, islimiy va girih naqşlar bilan bezatilgan, yozuvlar bilan töldirilgan. Yozuvlarni «suls» xatida usta Şayx Muhammad ibn Hoji Bandgir atTuğro Tabriziy bajargan. Içki bezagida kök, oq va qizil rangli naqşlar manzarali rasmlar bilan uyğunlaştirilgan. Maqbaraning jan. da 3 gumbazli masjid joylaşgan. Uning mehrobi yorqin rangli parçin bilan qoplangan. Şohizinda ansamblining yuqori guruhida joylaşgan uşbu yodgorliklarga yuqori çortoq orqali kiriladi. Çortoqning içki gumbazi muqarnas kosaçalar bilan töldirilgan. Peştoği ğişt va yiğma koşin bilan qoplangan. Hujraga kiraverişdagi yozuvda masjidga amir Muso qizi Tuman ofo asos solganligi qayd qilingan. Umumiy tarhi 5,7x6 m.
Asl matn (kirill, PDF'dagidek)
ТУМАН ОҒО МАЖМУАСИ - Самарқанддаги меъморий ёдгорлик (14— 15-а.лар). Шоҳизинда ансамбли таркибида. Мажмуа Амир Темурнинг хотини Туман оғо бегим номи билан боғланган. Т.о.м. мақбара, масжид, ҳужралар ва чортокдан иборат, турли даврларда бунёд этилган. Безаклари 15- а. бошларида ишланиб, унинг яхлитлигини таъминлаган. Мақбара хочсимон тарҳли, мовий гумбазли, пойгумбази баланд қилиб қурилган. Изораси ёрқин яшил рангли, 6 қиррали кошин ғиштлар билан якунланган, тилла ҳалли қилиб пардозланган. Тарзи ўйма кошин, ислимий ва гириҳ нақшлар билан безатилган, ёзувлар билан тўлдирилган. Ёзувларни «сулс» хатида уста Шайх Муҳаммад ибн Ҳожи Бандгир атТуғро Табризий бажарган. Ички безагида кўк, оқ ва қизил рангли нақшлар манзарали расмлар билан уйғунлаштирилган. Мақбаранинг жан. да 3 гумбазли масжид жойлашган. Унинг меҳроби ёрқин рангли парчин билан қопланган. Шоҳизинда ансамблининг юқори гуруҳида жойлашган ушбу ёдгорликларга юқори чортоқ орқали кирилади. Чортоқнинг ички гумбази муқарнас косачалар билан тўлдирилган. Пештоғи ғишт ва йиғма кошин билан қопланган. Ҳужрага кираверишдаги ёзувда масжидга амир Мусо қизи Туман ofo асос солганлиги қайд қилинган. Умумий тарҳи 5,7x6 м.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.