Turğun Alimatov

Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 323–324-b. — ziyouz.com

Alimatov Turğun (1922.20.1, hoz. Toşkent viloyati Keles qişloği) — sozanda (dutor, tanbur, sato). Özbekiston xalq artisti (1992). Toşkent ped. in-ti işçi f-ti tögaragida (1937—40) tanbur, ğijjak (skripka) çalişni örgangan. Keyinçalik xalq va professional ijro uslublarini Şobarat tanburçi, Nabi tanburçi, Mulla Töyçi hofiz, Yu. Rajabiylardan özlaştirgan. 2-jahon uruşi qatnaşçisi (1942—43). Yoş tomoşabinlar teatri (1940—42), Muqimiy teatri (1943— 46) da ğijjakçi, Özbekiston radiosi xalq çolğulari orkestri (1947— 52, 1957—59), Yunus Rajabiy nomidagi maqom ansambli (1959—85)da sozanda.

Turli musiqa tögaraklariga rahbarlik qilgan. 1985 y.dan Toşkent davlat konservatoriyasi an'anaviy ijroçilik kafedrasida öqituvçi, prof. (1994 y.dan). A. dutor, tanbur va sato ijroçiligini mukammal örganib, öziga xos ijro uslubini yaratdi. Badihagöylik, soz pardalarini öta mungli va dardli yangratiş, torlarni noziq nolalantirib çaliş A. ijroçilik uslubiga xos. Repertuarida xalq kuylari, maqom va maşhur aşulalarning çolğu yöllari («Dutor Navosi», «Tanavor I—II», «Tanbur Navosi», «Çorgoh», «Munojot», «Nola», «Navo», «Navrözi Ajam», «Eşvoy», «Buzruk», «Ey, sabo», «Kuygay» va b.) katta örin olgan. Ovoz rejissyori N. Hasanov yordamida yakka sozlar (dutortanbur, dutor-sato, tanbur-sato-dutor va b.)da öziga xos yakkanavoz «ansambl» tarzida ijro etgan çolğu kuylari 10 dan ortiq gramplastinkalarda çiqarilgan. Xalqaro musiqa anjumanlari (Moskva, 1971; Olmaota, 1973; Samarqand, 1978, 1983, 1987 va b.)ning konsertlari qatnaşçisi. Çet ellar (AQŞ, Fransiya, Germaniya)da gastrollarda bölgan. «Buyuk xizmatlari uçun» ordeni b-n mukofotlangan (1997).

Ad: Olimboyeva K., Turğun Alimatov [«Özbek ayoli hayotida musiqa» kitobida], T., 1996.

Asl matn (kirill, PDF'dagidek)

АЛИМАТОВ Турғун (1922.20.1, ҳоз. Тошкент вилояти Келес қишлоғи) — созанда (дутор, танбур, сато). Ўзбекистон халқ артисти (1992). Тошкент пед. ин-ти ишчи ф-ти тўгарагида (1937—40) танбур, ғижжак (скрипка) чалишни ўрганган. Кейинчалик халқ ва профессионал ижро услубларини Шобарат танбурчи, Наби танбурчи, Мулла Тўйчи ҳофиз, Ю. Ражабийлардан ўзлаштирган. 2-жаҳон уруши қатнашчиси (1942—43). Ёш томошабинлар театри (1940—42), Муқимий театри (1943— 46) да ғижжакчи, Ўзбекистон радиоси халқ чолғулари оркестри (1947— 52, 1957—59), Юнус Ражабий номидаги мақом ансамбли (1959—85)да созанда.

Турли мусиқа тўгаракларига раҳбарлик қилган. 1985 й.дан Тошкент давлат консерваторияси анъанавий ижрочилик кафедрасида ўқитувчи, проф. (1994 й.дан). А. дутор, танбур ва сато ижрочилигини мукаммал ўрганиб, ўзига хос ижро услубини яратди. Бадиҳагўйлик, соз пардаларини ўта мунгли ва дардли янгратиш, торларни нозиқ нолалантириб чалиш А. ижрочилик услубига хос. Репертуарида халқ куйлари, мақом ва машҳур ашулаларнинг чолғу йўллари («Дутор Навоси», «Танавор I—II», «Танбур Навоси», «Чоргоҳ», «Муножот», «Нола», «Наво», «Наврўзи Ажам», «Эшвой», «Бузрук», «Эй, сабо», «Куйгай» ва б.) катта ўрин олган. Овоз режиссёри Н. Ҳасанов ёрдамида якка созлар (дутортанбур, дутор-сато, танбур-сато-дутор ва б.)да ўзига хос якканавоз «ансамбль» тарзида ижро этган чолғу куйлари 10 дан ортиқ грампластинкаларда чиқарилган. Халқаро мусиқа анжуманлари (Москва, 1971; Олмаота, 1973; Самарқанд, 1978, 1983, 1987 ва б.)нинг концертлари қатнашчиси. Чет эллар (АҚШ, Франция, Германия)да гастролларда бўлган. «Буюк хизматлари учун» ордени б-н мукофотланган (1997).

Ад: Олимбоева К., Турғун Алиматов [«Ўзбек аёли ҳаётида мусиқа» китобида], Т., 1996.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.