Turğun Tursunoviç Azizov
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 212–213-b. — ziyouz.com
Azizov Turğun Tursunoviç (1934.30.11, Toşkent) — aktyor va rej. Özbekiston xalq artisti (1974). Toşkent davlat san'at in-tini tugatgaç (1956), Hamza teatrida aktyor. Asosiy rollari: Ferdinand («Makr va muhabbat»), Ilyos («Sarvqomat dilbarim»), Eydzi («Öğirlangan umr»), MarkTuysk («Oqpadar»), Niyoz («Noma'lum kişi»), Yölçi («Qutluğ qon»), Ğofir («Boy ila xizmatçi»), Edmund («Qirol Lir»), Uluğbek («Mirzo Uluğbek»), Amir Nasrullo («Nodirabegim»), Otello («Otello») va b. Aktyorga katta şuhrat keltirgan roli «Ölimdan kuçli» spektaklidagi Monserradir. Kinoda Amir Olimxon («Gang uzra tong»), Bakir («Maftuningman»), Amir Nasrullo (Nodirabegim»), Ota Maqsumov («Uzoqyaqin yillar»), Mirzakarimboy («Parol — Regina mehmonxonasi»), Dadaboy («Qöqon voqeasi», telefilm) kabi obrazlar yaratdi. Liriko-dramatik va romantik plandagi rollarni zör ehtiros va jöşqinlik b-n ijro etadi, qahramonlar xarakterini oçişda til boyligidan ustalik b-n foydalanadi, oz harakatda köp ma'no anglatişga, qahramonining his-tuyğulari, içki keçinmalarini tabiiy ifodalaşga intiladi.
Rej. sifatida «Mirzo Uluğbek», «Alişer Navoiy», «Mehrobdan çayon», «Çimildiq», «Maşrab» (hammasi M. Abdullayeva b-n hamkorlikda) kabi spektakllarni sahnalaştirdi.
Asl matn (kirill, PDF'dagidek)
АЗИЗОВ Турғун Турсунович (1934.30.11, Тошкент) — актёр ва реж. Ўзбекистон халқ артисти (1974). Тошкент давлат санъат ин-тини тугатгач (1956), Ҳамза театрида актёр. Асосий роллари: Фердинанд («Макр ва муҳаббат»), Илёс («Сарвқомат дилбарим»), Эйдзи («Ўғирланган умр»), МаркТуйск («Оқпадар»), Ниёз («Номаълум киши»), Йўлчи («Қутлуғ қон»), Ғофир («Бой ила хизматчи»), Эдмунд («Қирол Лир»), Улуғбек («Мирзо Улуғбек»), Амир Насрулло («Нодирабегим»), Отелло («Отелло») ва б. Актёрга катта шуҳрат келтирган роли «Ўлимдан кучли» спектаклидаги Монсеррадир. Кинода Амир Олимхон («Ганг узра тонг»), Бакир («Мафтунингман»), Амир Насрулло (Нодирабегим»), Ота Мақсумов («Узоқяқин йиллар»), Мирзакаримбой («Пароль — Регина меҳмонхонаси»), Дадабой («Қўқон воқеаси», телефильм) каби образлар яратди. Лирико-драматик ва романтик пландаги ролларни зўр эҳтирос ва жўшқинлик б-н ижро этади, қаҳрамонлар характерини очишда тил бойлигидан усталик б-н фойдаланади, оз ҳаракатда кўп маъно англатишга, қаҳрамонининг ҳис-туйғулари, ички кечинмаларини табиий ифодалашга интилади.
Реж. сифатида «Мирзо Улуғбек», «Алишер Навоий», «Меҳробдан чаён», «Чимилдиқ», «Машраб» (ҳаммаси М. Абдуллаева б-н ҳамкорликда) каби спектаклларни саҳналаштирди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.