«Turkiston-press»
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 751-b. — ziyouz.com
«Turkiston-press» - nodavlat axborot agentligi; yopiq aksiyadorlik jamiyati. Agentlikka hukumatga qaraşli bölmagan ommaviy axborot vositalari, davlat va nodavlat taşkilotlaridan iborat taşabbuskor gurux, tomonidan 1998 y. 25 sent.da asos solingan. Respublika «Matbuot tarkatuvçi» jamiyati, Özbekiston ommaviy axborot vositalarini demokratiyalaştiriş va qöllab quvvatlaş ijtimoiysiyosiy jamğarmasi (hoz. Özbekiston jurnalistlari ijodiy uyuşmasi), «Özbekiston havo yöllari» milliy aviakompaniyasi, «Özbekneftgaz» milliy xolding kompaniyasi va b. taşkilotlar tomonidan ta'sis etilgan.
«T.p.» ilk nodavlat axborot agentligi sifatida mamlakat ijtimoiysiyosiy hayotida demokratik jarayonlarni çuqurlaştiriş, ommaviy axborot vositalari imkoniyatlarini kengaytiriş va erkinligini ta'minlaş, ularni bozor iqtisodiyoti hamda demokratik tamoyillar asosida isloh etişni kuçaytiriş maqsadida taşkil etilgan. Şuningdek, agentlik respublika hayoti haqidagi xolis axborotlarni dunyoga tezkor tarqatiş tizimini yaratiş, Özbekiston fuqarolarining xalqaro hayotga daxldor axborotlarga bölgan ehtiyojini yanada töla qondirişni közda tutadi.
Agentlik tomonidan 30 dan ziyod diplomatik korpus hamda xalqaro taşkilotlar, şuningdek, Özbekistondagi yirik kompaniyalar uçun haftalik xabarnomalar tayyorlanadi. Bundan taşqari, agentlik öz muxbirlari tomonidan tayyorlanayotgan axborotlarni xalqaro miqyosda tarqatişni ham yölga qöygan. Agentlik Özbekistonning barça mintaqalarida öz muxbirlariga ega. 2000 y.dan agentlik öz naşri — «Mohiyat» gaz.ni çop eta boşladi. Şuningdek, uning tarkibida «Turkistonpoligraf» korxonasi ham faoliyat körsatadi.
Asl matn (kirill, PDF'dagidek)
«ТУРКИСТОН-ПРЕСС» - нодавлат ахборот агентлиги; ёпиқ акциядорлик жамияти. Агентликка ҳукуматга қарашли бўлмаган оммавий ахборот воситалари, давлат ва нодавлат ташкилотларидан иборат ташаббускор гурух, томонидан 1998 й. 25 сент.да асос солинган. Республика «Матбуот таркатувчи» жамияти, Ўзбекистон оммавий ахборот воситаларини демократиялаштириш ва қўллаб қувватлаш ижтимоийсиёсий жамғармаси (ҳоз. Ўзбекистон журналистлари ижодий уюшмаси), «Ўзбекистон ҳаво йўллари» миллий авиакомпанияси, «Ўзбекнефтгаз» миллий холдинг компанияси ва б. ташкилотлар томонидан таъсис этилган.
«Т.п.» илк нодавлат ахборот агентлиги сифатида мамлакат ижтимоийсиёсий ҳаётида демократик жараёнларни чуқурлаштириш, оммавий ахборот воситалари имкониятларини кенгайтириш ва эркинлигини таъминлаш, уларни бозор иқтисодиёти ҳамда демократик тамойиллар асосида ислоҳ этишни кучайтириш мақсадида ташкил этилган. Шунингдек, агентлик республика ҳаёти ҳақидаги холис ахборотларни дунёга тезкор тарқатиш тизимини яратиш, Ўзбекистон фуқароларининг халқаро ҳаётга дахлдор ахборотларга бўлган эҳтиёжини янада тўла қондиришни кўзда тутади.
Агентлик томонидан 30 дан зиёд дипломатик корпус ҳамда халқаро ташкилотлар, шунингдек, Ўзбекистондаги йирик компаниялар учун ҳафталик хабарномалар тайёрланади. Бундан ташқари, агентлик ўз мухбирлари томонидан тайёрланаётган ахборотларни халқаро миқёсда тарқатишни ҳам йўлга қўйган. Агентлик Ўзбекистоннинг барча минтақаларида ўз мухбирларига эга. 2000 й.дан агентлик ўз нашри — «Моҳият» газ.ни чоп эта бошлади. Шунингдек, унинг таркибида «Туркистонполиграф» корхонаси ҳам фаолият кўрсатади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.