Turkum
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 774-b. — ziyouz.com
Turkum — muştarak ğoyaviy niyat, umumiy mavzu, qahramon va muayyan kompozitsion yaxlitlikka ega bölgan badiiy asarlar majmui. T. asarlar adabiyotning barça janrlarida mavjud. Mas., Balzakning «Inson komediyasi» yoki Zolyaning «Rugon — Makkarlar»ini taşkil etuvçi asarlarini romanlar T.i deyiş mumkin. Şuningdek, hikoyalar, oçerklar va hatto maqolalar T.lari ham böladi. T., ayniqsa, şe'riyatda keng tarqalgan.
Özbek şe'riyatida deyarli hamma şoirlar T. asarlar yaratganlar. Mirtemirning «Qoraqalpoq daftari», Zulfiyaning «Vodiy tuhfasi», H. Ğulomning «Qit'alar uyğoq», Şuhratning «Kavkaz daftari» kabi T. asarlari mavjud. T.ni taşkil etuvçi har bir asar mustaqil badiiy qimmatga ega böladi, biroq ular birlaşib, hayotning biror tomoni haqida mukammal tasavvur beruvçi tugallangan yaxlit asarni vujudga keltiradi.
Asl matn (kirill, PDF'dagidek)
ТУРКУМ — муштарак ғоявий ният, умумий мавзу, қаҳрамон ва муайян композицион яхлитликка эга бўлган бадиий асарлар мажмуи. Т. асарлар адабиётнинг барча жанрларида мавжуд. Мас., Бальзакнинг «Инсон комедияси» ёки Золянинг «Ругон — Маккарлар»ини ташкил этувчи асарларини романлар Т.и дейиш мумкин. Шунингдек, ҳикоялар, очерклар ва ҳатто мақолалар Т.лари ҳам бўлади. Т., айниқса, шеъриятда кенг тарқалган.
Ўзбек шеъриятида деярли ҳамма шоирлар Т. асарлар яратганлар. Миртемирнинг «Қорақалпоқ дафтари», Зулфиянинг «Водий туҳфаси», Ҳ. Ғуломнинг «Қитъалар уйғоқ», Шуҳратнинг «Кавказ дафтари» каби Т. асарлари мавжуд. Т.ни ташкил этувчи ҳар бир асар мустақил бадиий қимматга эга бўлади, бироқ улар бирлашиб, ҳаётнинг бирор томони ҳақида мукаммал тасаввур берувчи тугалланган яхлит асарни вужудга келтиради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.