Turma
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 775-b. — ziyouz.com
Turma TURMA, qamoqxona — ozodlikdan mahrum qiliş tariqasidagi jazoni ijro etiş muassasasinnnt bir turi. Özbekiston Respublikasi JIK ga köra, T.ga qamaş tariqasidagi ozodlikdan mahrum qiliş jazoning muayyan qismi, lekin 5 y.dan köp bölmagan muddatga öta xavfli retsidivistlarga va oğir yoki öta oğir jinoyati uçun 5 y.dan ortiq muddatga ozodlikdan mahrum etişga hukm qilingan şaxslarga nisbatan sud tomonidan tayinlanişi mumkin. Şuningdek, T.lar umumiy va qattiq tartibli koloniyalardan jazoni ötaş tartibini aşaddiy buzganlik uçun ötkazilgan şaxslarni saqlaşga möljallangan. T.larda mahkumlar umumiy kameralarda saklanadi. Alohida hollarda mahkumning batamom ajratib qöyilişini ta'minlaş maqsadida muassasa boşliğining prokuror tomonidan tasdiklangan qarori asosida uni 1 kişilik kamerada saqlaşga yöl qöyiladi. T.da mahkumlar belgilangan eng kam iş haqi miqdorining 75 foizigaça bölgan summaga oziq-ovqat maqsulotlari va eng zarur narsalar sotib olişlari mumkin. Ular har muddati 1 soatlik sayr qiliş va yil mobaynida 2 marta qisqa muddatli hamda 1 marta uzoq muddatli uçraşuv, 2 marta telefon orqali sözlaşuv, 2 ta posilka yoki yökdov, şuningdek, 2 ta banderol oliş huquqiga ega. T.larda mahkumlarni yengillaştirilgan saqlaş şaroitiga muddatdan oldin ötkazişga yöl qöyilmaydi, mahkumni soğliğiga köra tegişli tibbiy xulosa asosida ötkaziş hollari bundan mustasno. Homilador ayollar va yonida emizikli bolasi bor ayollar, şuningdek, 1 va 2guruh nogironlari T.larda jazoni yengillaştirilgan saklaş şaroitida ötaydilar.
Mirzayusuf Rustamboyev.
Asl matn (kirill, PDF'dagidek)
ТУРМА, қамоқхона — озодликдан маҳрум қилиш тариқасидаги жазони ижро этиш муассасасинннт бир тури. Ўзбекистон Республикаси ЖИК га кўра, Т.га қамаш тариқасидаги озодликдан маҳрум қилиш жазонинг муайян қисми, лекин 5 й.дан кўп бўлмаган муддатга ўта хавфли рецидивистларга ва оғир ёки ўта оғир жинояти учун 5 й.дан ортиқ муддатга озодликдан маҳрум этишга ҳукм қилинган шахсларга нисбатан суд томонидан тайинланиши мумкин. Шунингдек, Т.лар умумий ва қаттиқ тартибли колониялардан жазони ўташ тартибини ашаддий бузганлик учун ўтказилган шахсларни сақлашга мўлжалланган. Т.ларда маҳкумлар умумий камераларда сакланади. Алоҳида ҳолларда маҳкумнинг батамом ажратиб қўйилишини таъминлаш мақсадида муассаса бошлиғининг прокурор томонидан тасдикланган қарори асосида уни 1 кишилик камерада сақлашга йўл қўйилади. Т.да маҳкумлар белгиланган энг кам иш ҳақи миқдорининг 75 фоизигача бўлган суммага озиқ-овқат мақсулотлари ва энг зарур нарсалар сотиб олишлари мумкин. Улар ҳар муддати 1 соатлик сайр қилиш ва йил мобайнида 2 марта қисқа муддатли ҳамда 1 марта узоқ муддатли учрашув, 2 марта телефон орқали сўзлашув, 2 та посилка ёки йўкдов, шунингдек, 2 та бандероль олиш ҳуқуқига эга. Т.ларда маҳкумларни енгиллаштирилган сақлаш шароитига муддатдан олдин ўтказишга йўл қўйилмайди, маҳкумни соғлиғига кўра тегишли тиббий хулоса асосида ўтказиш ҳоллари бундан мустасно. Ҳомиладор аёллар ва ёнида эмизикли боласи бор аёллар, шунингдек, 1 ва 2гуруҳ ногиронлари Т.ларда жазони енгиллаштирилган саклаш шароитида ўтайдилар.
Мирзаюсуф Рустамбоев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.