Tuyaböğiz suv ombori
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 803-b. — ziyouz.com
Tuyaböğiz suv ombori TUYABÖĞIZ SUV OMBORI, Toşkent dengizi — Ohangaron daryosining örta oqimida barpo etilgan gidrotexnika inşooti. 1962 y.da qurilgan. Daryo suvini mavsumiy tartibga soladi. Umumiy hajmi 250 mln.m3, foydali hajmi 224 mln. m3 ni taşkil etadi. Suv yuzasi mayd. 20 km2. Örtaça çuq. — 12,5 m. Kötarma tuproq töğon, çap va öng qirğoq suv çiqargiçlar va suv taşlagiçdan iborat. Töğonning uz. 2,4 km, ikki çekkasi qumoq tuproqdan qurilgan. Ombor gidrouzeli 1,9 km uzunlikdagi dambaga tutaşgan. Töğon ustidan Toşkent — Bekobod avtomobil yöli ötadi. 440 m uzunlik va suv sarfi 760 m3/sek bölgan tezoqar körinişidagi suv taşlagiç suvni 34 m pastlikka uzatadi. Suv taşlagiçning yemirilişini bartaraf etiş uçun undan 600 m uzoqlikda umumiy bal. 40 m bölgan oçiq tipdagi ikki bosqiçli şarşara qurilgan. Suv omboridan Qorasuv daryosiga va Tuyaböğiz çapqirğoq kanaliga suv beriladi.
Suv ombori atrofida dam oliş zonasi taşkil etilgan. Suv ombori Toşkent viloyatining Böka, Oqqörğon, Örta Çirçiq, Quyi Çirçiq tumanlarida suğoriladigan yerlarning suv ta'minotini yaxşilaşga imkon berdi.
Asl matn (kirill, PDF'dagidek)
ТУЯБЎҒИЗ СУВ ОМБОРИ, Тошкент денгизи — Оҳангарон дарёсининг ўрта оқимида барпо этилган гидротехника иншооти. 1962 й.да қурилган. Дарё сувини мавсумий тартибга солади. Умумий ҳажми 250 млн.м3, фойдали ҳажми 224 млн. м3 ни ташкил этади. Сув юзаси майд. 20 км2. Ўртача чуқ. — 12,5 м. Кўтарма тупроқ тўғон, чап ва ўнг қирғоқ сув чиқаргичлар ва сув ташлагичдан иборат. Тўғоннинг уз. 2,4 км, икки чеккаси қумоқ тупроқдан қурилган. Омбор гидроузели 1,9 км узунликдаги дамбага туташган. Тўғон устидан Тошкент — Бекобод автомобиль йўли ўтади. 440 м узунлик ва сув сарфи 760 м3/сек бўлган тезоқар кўринишидаги сув ташлагич сувни 34 м пастликка узатади. Сув ташлагичнинг емирилишини бартараф этиш учун ундан 600 м узоқликда умумий бал. 40 м бўлган очиқ типдаги икки босқичли шаршара қурилган. Сув омборидан Қорасув дарёсига ва Туябўғиз чапқирғоқ каналига сув берилади.
Сув омбори атрофида дам олиш зонаси ташкил этилган. Сув омбори Тошкент вилоятининг Бўка, Оққўрғон, Ўрта Чирчиқ, Қуйи Чирчиқ туманларида суғориладиган ерларнинг сув таъминотини яхшилашга имкон берди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.