Tuyamöyin Daşti
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 804-b. — ziyouz.com
Tuyamöyin Daşti - Andijon va Farğona viloyatlari hududidagi daşt. Ğarbda Muyan va Arsif, şim.da Qoraçatir tizmalari, şarkda Uluğtoğ, jan.da Qizilqiya adirlari oraliğida. Geologik jihatdan adirlar oraliğidagi botiq. Uz. 36—38 km, eni 28 km. Paleozoy, mezozoy va kaynozoy yotqiziqlari keng tarqalgan. 1—5 km çuqurliqda bör davri yotqiziqlari uçraydi. Ustki qismi toşşağal jinslardan tuzilgan. Ğarbga tomon qiya. Iqlimi kontinental. Iyulning örtaça trasi 28°, eng yuqori tra 40°. Qişi iliq, yanv.ning örtaça trasi —2°, eng past tra —16°. Vegetatsiya davri 180 kun. Yillik yoğin 200—250 mm, asosan, bahor oylarida yoğadi. Tuproği tipik böz tuproq. Ösimliklari şuvoq, burgan hamda efemerlardan iborat. Daştning özlaştirilgan qismida tamaki, makkajöxori ekiladi, boğdorçilik bilan şuğullaniladi.
Asl matn (kirill, PDF'dagidek)
ТУЯМЎЙИН ДАШТИ - Андижон ва Фарғона вилоятлари ҳудудидаги дашт. Ғарбда Муян ва Арсиф, шим.да Қорачатир тизмалари, шаркда Улуғтоғ, жан.да Қизилқия адирлари оралиғида. Геологик жиҳатдан адирлар оралиғидаги ботиқ. Уз. 36—38 км, эни 28 км. Палеозой, мезозой ва кайнозой ётқизиқлари кенг тарқалган. 1—5 км чуқурлиқда бўр даври ётқизиқлари учрайди. Устки қисми тошшағал жинслардан тузилган. Ғарбга томон қия. Иқлими континентал. Июлнинг ўртача траси 28°, энг юқори тра 40°. Қиши илиқ, янв.нинг ўртача траси —2°, энг паст тра —16°. Вегетация даври 180 кун. Йиллик ёғин 200—250 мм, асосан, баҳор ойларида ёғади. Тупроғи типик бўз тупроқ. Ўсимликлари шувоқ, бурган ҳамда эфемерлардан иборат. Даштнинг ўзлаштирилган қисмида тамаки, маккажўхори экилади, боғдорчилик билан шуғулланилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.