Uç avliyo majmuasi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 201-b. — ziyouz.com
Uç avliyo majmuasi - Xivadagi me'moriy yodgorlik (1549, 1821). Içan qal'aning şarqiy qismida joylaşgan. Maqbara 3 avliyo şayx (Boqiy, Maqsud va Latif)lar nomi b-n boğlangan.
Maqbara bir xonali, murabba tarhli (6x6 m), pişiq ğişt (27x27x5 sm)dan qurilgan. Poliga ham pişiq ğişt (26x26x5 sm) yotqizilgan. Gumbazi 16-a. Buxoro me'morligiga xos «qolibkori» uslubida qurilgan bölib, katakkatak yulduzçalar b-n bezatilgan. Maqbaraning şim. devoridagi ravoqda supa ustiga 6 ta sağana yonmayon joylaştirilgan. Ularning 3 tasi pastki şim.şarqiy qismida. Maqbara bezaksiz, unga 3 tomondan kiriladi. Boş tarzi baland peştoqli (bal. 12 m). Peştoq tokçasi va tepasidagi yassi ravoqlar ğiştdan hoşiyali qilib terilgan. Maqbaraning yagona bezagi yoğoç uymakori eşigi bölib, uni işlaşda qatnaşgan xivalik ustalardan Abdulla ibn Sayid, Ahmad Samarqandiyning öğli va şogirdi Asad Husayn nomlari yozilgan. Keyinçalik peştoq qarşisida qorixona, xonaqoh va bir ustunli ayvon qurilgan. Ayvondagi yozuvda Hoji Maqsud tomonidan qurdirilgani (1893) qayd etilgan. Peştoqdagi marmar taxtaçada mutavalli Nazarxöja buyruği b-n ta'mirlanganligi (1821—22) yozilgan. U.a.m. I. Notkin (1956—59) va A. Rahmonov (198182) raxbarligida ilmiy örganilgan.
Asl matn (kirill, PDF'dagidek)
УЧ АВЛИЁ МАЖМУАСИ - Хивадаги меъморий ёдгорлик (1549, 1821). Ичан қалъанинг шарқий қисмида жойлашган. Мақбара 3 авлиё шайх (Боқий, Мақсуд ва Латиф)лар номи б-н боғланган.
Мақбара бир хонали, мурабба тарҳли (6x6 м), пишиқ ғишт (27x27x5 см)дан қурилган. Полига ҳам пишиқ ғишт (26x26x5 см) ётқизилган. Гумбази 16-а. Бухоро меъморлигига хос «қолибкори» услубида қурилган бўлиб, катаккатак юлдузчалар б-н безатилган. Мақбаранинг шим. деворидаги равоқда супа устига 6 та сағана ёнмаён жойлаштирилган. Уларнинг 3 таси пастки шим.шарқий қисмида. Мақбара безаксиз, унга 3 томондан кирилади. Бош тарзи баланд пештоқли (бал. 12 м). Пештоқ токчаси ва тепасидаги ясси равоқлар ғиштдан ҳошияли қилиб терилган. Мақбаранинг ягона безаги ёғоч уймакори эшиги бўлиб, уни ишлашда қатнашган хивалик усталардан Абдулла ибн Сайид, Аҳмад Самарқандийнинг ўғли ва шогирди Асад Ҳусайн номлари ёзилган. Кейинчалик пештоқ қаршисида қорихона, хонақоҳ ва бир устунли айвон қурилган. Айвондаги ёзувда Ҳожи Мақсуд томонидан қурдирилгани (1893) қайд этилган. Пештоқдаги мармар тахтачада мутавалли Назархўжа буйруғи б-н таъмирланганлиги (1821—22) ёзилган. У.а.м. И. Ноткин (1956—59) ва А. Раҳмонов (198182) рахбарлигида илмий ўрганилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.