Uilyam Folkner
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 196–197-b. — ziyouz.com
Folkner Uilyam FOLKNER (Faulkner) Uilyam (1897.25.9, NyuOlbani — 1962.6.7, Oksford, Missisipi ştati) — amerikalik yozuvçi. 20-a. jahon adabiyoti klassiklaridan. 1-jahon uruşi yillari (1914— 18)da Kanada aviatsiyasida xizmat qilgan, lekin harbiy harakatlarda qatnaşmagan. Missisipi un-tida öqigan (1919). 1920 y. un-tni taşlab, NyuYorkka ketgan. U yerdagi kitob dökonida sotuvçilik qilgan. Bir oz vaqtdan söng Oksfordga qaytib, un-tda poçtaçi bölib işlagan. 1925 y. NyuOrleanga kelgan. Şundan keyin F.ning «Askar mukofoti» (1926) va «Çivinlar» (1927) romani çop etilgan, birok, bu asarlar muvaffaqiyat qozonmagan. F. umidsizlanmay, «Sartoris» (1929) romanini yozgan. Asar voqealari Amerika jan.da joylaşgan xayoliy Yoknapatora şahrida keçadi. Uşbu roman tanqidçilar e'tiborini tortgan bölişiga karamay, F. «Şovqin va ğazab» (1929) romanidan keyingina tan olingan. «Ölim töşagida» (1930) romani 59 ta içki monologdan iborat. «Ibodatxona» (1931) asari gangster tomonidan zörlangan ayolning fohişaxonadan boşpana topişi haqida hikoya qiladi. Roman tez orada maşhur bölib ketgan. «Avgust yoğdusi» (1932) romanida irqçilik va puritanlik prinsiplarining salbiy oqibatlari oçib taşlangan. «Avessalom, Avessalom» (1936) romanida jan.da plantatorlarning «yangi dinastiya» sini yaratiş uçun bölgan harakatlarning oqibatsizligi körsatilgan. F. «Qişloqça» (1940), «Şahar» (1957), «Qörğonça» trilogiyasi, «Bu, ön uçlar» (1931), «Kel, Muso» (1942) hikoya va novellalar töplamlari muallifi. «Tanlangan asarlar» töplami çop etilgaç, F. asarlariga qiziqiş birmunça oşgan. 1962 y.da sönggi romani — «Olibqoçarlar»ni yoza boşlagan. Ammo asar tugallanmagan. Nobel mukofoti laureata (1949).
Asl matn (kirill, PDF'dagidek)
ФОЛКНЕР (Faulkner) Уильям (1897.25.9, НьюОлбани — 1962.6.7, Оксфорд, Миссисипи штати) — америкалик ёзувчи. 20-а. жаҳон адабиёти классикларидан. 1-жаҳон уруши йиллари (1914— 18)да Канада авиациясида хизмат қилган, лекин ҳарбий ҳаракатларда қатнашмаган. Миссисипи ун-тида ўқиган (1919). 1920 й. ун-тни ташлаб, НьюЙоркка кетган. У ердаги китоб дўконида сотувчилик қилган. Бир оз вақтдан сўнг Оксфордга қайтиб, ун-тда почтачи бўлиб ишлаган. 1925 й. НьюОрлеанга келган. Шундан кейин Ф.нинг «Аскар мукофоти» (1926) ва «Чивинлар» (1927) романи чоп этилган, бирок, бу асарлар муваффақият қозонмаган. Ф. умидсизланмай, «Сарторис» (1929) романини ёзган. Асар воқеалари Америка жан.да жойлашган хаёлий Йокнапатора шаҳрида кечади. Ушбу роман танқидчилар эътиборини тортган бўлишига карамай, Ф. «Шовқин ва ғазаб» (1929) романидан кейингина тан олинган. «Ўлим тўшагида» (1930) романи 59 та ички монологдан иборат. «Ибодатхона» (1931) асари гангстер томонидан зўрланган аёлнинг фоҳишахонадан бошпана топиши ҳақида ҳикоя қилади. Роман тез орада машҳур бўлиб кетган. «Август ёғдуси» (1932) романида ирқчилик ва пуританлик принципларининг салбий оқибатлари очиб ташланган. «Авессалом, Авессалом» (1936) романида жан.да плантаторларнинг «янги династия» сини яратиш учун бўлган ҳаракатларнинг оқибатсизлиги кўрсатилган. Ф. «Қишлоқча» (1940), «Шаҳар» (1957), «Қўрғонча» трилогияси, «Бу, ўн учлар» (1931), «Кел, Мусо» (1942) ҳикоя ва новеллалар тўпламлари муаллифи. «Танланган асарлар» тўплами чоп этилгач, Ф. асарларига қизиқиш бирмунча ошган. 1962 й.да сўнгги романи — «Олибқочарлар»ни ёза бошлаган. Аммо асар тугалланмаган. Нобель мукофоти лауреата (1949).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.