Uilyam Xogart
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 160–161-b. — ziyouz.com
Xogart Uilyam XOGART (Hogarth) Uilyam (1697.10.11 — London — 1764.25.10) — ingliz rangtasvir ustasi, grafik rassomi va san'at nazariyotçisi. Londondagi J. Tornxill akademiyasida ta'lim olgan. 1743 va 1748 y.larda Fransiyada bölgan. X. asarlari demokratik ruhi, öta hayotiy tavsifi, realistik usuli bilan ajralib turadi («Kapitan T. Korem», 1740; «Avtoportret», 1745; «Qiz qisqiçbaqalar bilan» va b.). Biroq X.ga ingliz hayotidagi nuqsonlarni foş etuvçi Yevropa ma'rifatparvarligi ruhidagi hajviy kartinalari va gravyuralari şuhrat keltirdi («Urf bölgan nikoh» gravyuralari, 1743—45; «Jin tor köçasi» va «Pivo köçasi» gravyuralari, 1751; «Saylovlar», taxm. 1754 va b.). X. «Gözallik taxlili» nazariy risolasida hayotni uning öziga xos körinişida bera oladigan asimmetrik, differensial şakllarni dalil qöllaşga undaydi; uning ğoya va asarlari 18-a. Yevropa madaniyatiga kuçli ta'sir körsatgan (Angliyada — L. Stern, Germaniyada — E. Lessing, G.K.Lixtenberg va b.).
Asl matn (kirill, PDF'dagidek)
ХОГАРТ (Hogarth) Уильям (1697.10.11 — Лондон — 1764.25.10) — инглиз рангтасвир устаси, график рассоми ва санъат назариётчиси. Лондондаги Ж. Торнхилл академиясида таълим олган. 1743 ва 1748 й.ларда Францияда бўлган. X. асарлари демократик руҳи, ўта ҳаётий тавсифи, реалистик усули билан ажралиб туради («Капитан Т. Корем», 1740; «Автопортрет», 1745; «Қиз қисқичбақалар билан» ва б.). Бироқ Х.га инглиз ҳаётидаги нуқсонларни фош этувчи Европа маърифатпарварлиги руҳидаги ҳажвий картиналари ва гравюралари шуҳрат келтирди («Урф бўлган никоҳ» гравюралари, 1743—45; «Жин тор кўчаси» ва «Пиво кўчаси» гравюралари, 1751; «Сайловлар», тахм. 1754 ва б.). X. «Гўзаллик тахлили» назарий рисоласида ҳаётни унинг ўзига хос кўринишида бера оладиган асимметрик, дифференциал шаклларни далил қўллашга ундайди; унинг ғоя ва асарлари 18-а. Европа маданиятига кучли таъсир кўрсатган (Англияда — Л. Стерн, Германияда — Э. Лессинг, Г.К.Лихтенберг ва б.).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.