«Uluğ Turkiston»
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 73-b. — ziyouz.com
«Uluğ Turkiston» - Toşkent ş.da taşkil topgan ziyolilarning «Ittifoq» jamiyatining naşr organi. 1917 y. 25 apr.dan Toşkent ş.da çika boşlagan. Gaz.ga Sodiq Abdusattorov, Kabir Bakirov, P. Domogatskiy muharrirlik qilgan. «U. T.» dastlab (41 soniga qadar) «Turkestanskiye vedomosti» matbaasida, keyinçalik «Umid» matbaasida çop etilgan (jami 155 soni çiqqan). 137 sonidan boşlab gaz.ning oxirgi sahifasi kirill imlosi (rusça) da berilgan. Şuningdek, gaz.ning yana alohida 9 ta ilova sonlari ham naşr qilingan. «U.T.» «Yaşasin millatlar muxtoriyati» şiori ostida iş yuritgan. Gaz. da turli toifadagi va turli siyosiy qaraşlarga taallukli ziyolilar, ulamolar ham iştirok etgan. Laziz Azizzoda, Muxtor Bakirov, Mustafo Çöqayev, Fayzulla Xöjayev, Şerali Lapin, Şokirjon Rahimiy, Ğozi Yunus, Abdurauf Fitrat, Nuşervon Youşev, Yusuf Xaliliy kabi ziyolilarning maqolalari bosilgan. «U.T.» 1917—18 y.larda Turkistondagi siyosiy, iqtisodiy va madaniy jarayonlarni yoritib borgan. Sahifalaridan yangi tuzila boşlagan milliy siyosiy jamiyatlar, ularning özaro aloqa va faoliyatlari, jamiyatlar tomonidan naşr qilinayotgan gaz. va jur.lar, Turkiston musulmonlarining qurultoylari, Turkiston muxtoriyati, bolşeviklarning ölkada olib borgan siyosati va b. materiallar örin olgan. «U.T.» 1918 y. Turkiston ASSR içki işlar komissarligi ixtiyoriga ötgaç, 1918 y. noyab.da komissar Orif Klebleyevning buyruği b-n töxtatilgan.
Asl matn (kirill, PDF'dagidek)
«УЛУҒ ТУРКИСТОН» - Тошкент ш.да ташкил топган зиёлиларнинг «Иттифоқ» жамиятининг нашр органи. 1917 й. 25 апр.дан Тошкент ш.да чика бошлаган. Газ.га Содиқ Абдусатторов, Кабир Бакиров, П. Домогатский муҳаррирлик қилган. «У. Т.» дастлаб (41 сонига қадар) «Туркестанские ведомости» матбаасида, кейинчалик «Умид» матбаасида чоп этилган (жами 155 сони чиққан). 137 сонидан бошлаб газ.нинг охирги саҳифаси кирилл имлоси (русча) да берилган. Шунингдек, газ.нинг яна алоҳида 9 та илова сонлари ҳам нашр қилинган. «У.Т.» «Яшасин миллатлар мухторияти» шиори остида иш юритган. Газ. да турли тоифадаги ва турли сиёсий қарашларга тааллукли зиёлилар, уламолар ҳам иштирок этган. Лазиз Азиззода, Мухтор Бакиров, Мустафо Чўқаев, Файзулла Хўжаев, Шерали Лапин, Шокиржон Раҳимий, Ғози Юнус, Абдурауф Фитрат, Нушервон Ёушев, Юсуф Халилий каби зиёлиларнинг мақолалари босилган. «У.Т.» 1917—18 й.ларда Туркистондаги сиёсий, иқтисодий ва маданий жараёнларни ёритиб борган. Саҳифаларидан янги тузила бошлаган миллий сиёсий жамиятлар, уларнинг ўзаро алоқа ва фаолиятлари, жамиятлар томонидан нашр қилинаётган газ. ва жур.лар, Туркистон мусулмонларининг қурултойлари, Туркистон мухторияти, большевикларнинг ўлкада олиб борган сиёсати ва б. материаллар ўрин олган. «У.Т.» 1918 й. Туркистон АССР ички ишлар комиссарлиги ихтиёрига ўтгач, 1918 й. нояб.да комиссар Ориф Клеблеевнинг буйруғи б-н тўхтатилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.