«Umid nihollari» sport öyinlari

«Umid nihollari» sport öyinlari Özbekistonning umumiy örta ta'lim va bolalar-ösmirlar sport maktablari öquvçilari örtasida ötkaziladigan ommaviy sport musobakalari. Özbekiston Respublikasi Vazirlar Mahkamasining «Özbekiston Respublikasi mustaqilligining 10 yilligini nişonlaşga tayyorgarlik köriş va ötkaziş töğrisida»gi (2001 y. 19 yanv.) qarori asosida taşkil etilgan hamda «Öquvçi va talaba yoşlarni sportga jalb qilişga qaratilgan uzluk-siz sport musobaqalari tizimini taşkil etiş töğrisida»gi (2003 y. 3 iyun) qaroriga binoan bu öyinlarning respublika final bosqiçlari 3 yilda bir marta ötkazilişi belgilangan. Maqsadi — umumiy örta ta'lim va bolalar-ösmirlar sport maktablari öquvçilarini jismonan yetuk, axloqan barkamol hamda vatanga sadoqat ruhida tarbiyalaş, iqtidorli sportçi yoşlarni nufuzli musobaqalarga tayyorlaş, yoşlar örtasida jismoniy tarbiya va sportni yanada ommalaştiriş. «U.n.» s.ö.da badiiy gimnastika, basketbol. voleybol, gandbol, yengil atletika, sport gimnastikasi. stol tennisi, suziş, tennis, futbol kabi olimpi-ada öyinlari dasturiga kirgan va şax-mat, belboğli kuraş, kuraş singari ommalaşgan sport turlari böyiça musobaqalar ötkaziladi. Saralaş muso-baqalari umumiy örta ta'lim va bolalar-ösmirdar sport maktablari, tuman, şahar va viloyatlarda, respublika final bosqiçi bitta hududda tantanali ravişda taşkil etiladi. Birinçi «U.n.» s.ö.ning respublika final bosqiçi Farğona (2002), ikkinçisi Xorazm (2003) viloyatlarida bölib ötdi. Ikkinçi «U.n.» s.ö. saralaş musobaqalarida 4 mln.dan ziyod, uning final bosqiçida 2114 nafar öquvçi qatnaşdi (2003).