Usmonxon Eşonxöjayev
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 279–280-b. — ziyouz.com
Eşonxöjayev Usmonxon (1899. 14.10, Andijon — 1938.4.10, Toşkent) — jurnalist, tarjimon va jamoat arbobi. Andijon rus-tuzem maktabi (1909— 13), erlar gimnaziyasi va Moskvada Kommunistik un-t (1920), Qizil professorlar instituti (1925— 30)da öqigan. Turkiston ASSR Maorif xalq komissari (1921—22). 1922 yil iyuldan u Turkiston Kompartiyasi MK matbuot sektori boşliği, taşviqot va tarğibot bölimi mudirining örinbosari va bölim mudiri, «Turkiston» va «Qizil bayroq» hamda «Inqilob» va «Bilim öçoği» jur. larining muharriri. E. keyinçalik SSSRning turli joylarida partiya işlarida işlagan.
E. Qozon şahrida qamoqqa olinib (1937 yil 15 avg.), Toşkentga jönatilgan. Unga Moskvadagi özbek talabalari örtasida sovetlarga qarşi millatçi yoşlar taşkilotini tuzganlik va rahbarlik qilganlik, Fayzulla Xöjayev, Sultonbek Xöjayev, Turor Risqulov, Abdulla Rahimbekov boşçiligida sovetlarga qarşi birlaşgan Markaz bilan aloqa boğlaganlik kabi ayblar qöyilgan va otişga hukm qilingan (1938 yil 4 oktyabr). 1957 yilda oqlangan. Andijon viloyati öqituvçilar malakasini oşiriş instituti E. nomi bilan ataladi.
Asl matn (kirill, PDF'dagidek)
ЭШОНХЎЖАЕВ Усмонхон (1899. 14.10, Андижон — 1938.4.10, Тошкент) — журналист, таржимон ва жамоат арбоби. Андижон рус-тузем мактаби (1909— 13), эрлар гимназияси ва Москвада Коммунистик ун-т (1920), Қизил профессорлар институти (1925— 30)да ўқиган. Туркистон АССР Маориф халқ комиссари (1921—22). 1922 йил июлдан у Туркистон Компартияси МК матбуот сектори бошлиғи, ташвиқот ва тарғибот бўлими мудирининг ўринбосари ва бўлим мудири, «Туркистон» ва «Қизил байроқ» ҳамда «Инқилоб» ва «Билим ўчоғи» жур. ларининг муҳаррири. Э. кейинчалик СССРнинг турли жойларида партия ишларида ишлаган.
Э. Қозон шаҳрида қамоққа олиниб (1937 йил 15 авг.), Тошкентга жўнатилган. Унга Москвадаги ўзбек талабалари ўртасида советларга қарши миллатчи ёшлар ташкилотини тузганлик ва раҳбарлик қилганлик, Файзулла Хўжаев, Султонбек Хўжаев, Турор Рисқулов, Абдулла Раҳимбеков бошчилигида советларга қарши бирлашган Марказ билан алоқа боғлаганлик каби айблар қўйилган ва отишга ҳукм қилинган (1938 йил 4 октябр). 1957 йилда оқланган. Андижон вилояти ўқитувчилар малакасини ошириш институти Э. номи билан аталади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.